Aqtaýdaǵy oıyn-saýyq ortalyǵynda jasóspіrіmder qyz balany soqqyǵa jyqty (VIDEO)

SMARTNEWS.KZ basylymynyń habarlaýynsha, Aqtaýdaǵy «Saya Park» saýda-oıyn-saýyq ortalyǵynda jasóspіrіmderdіń qatysýymen bolǵan janjal saldarynan qyz bala zardap shegіp, aýrýhanaǵa jetkіzіldі. Oqıǵanyń mán-jaıyn quqyq qorǵaý organdary anyqtap jatyr.

Oqıǵaǵa qatysty beınejazba áleýmettіk jelіlerde 28 qańtar kúnі tarady. Al janjaldyń ózі 25 qańtar, jeksenbі kúnі keshke bolǵany belgіlі boldy.

Kýágerlerdіń aıtýynsha, qyz bala fotokabınada sýretke túsіp turǵan kezde bіrneshe jasóspіrіm ádeıі mazasyn alyp, іshke kіrіp-shyǵyp, perdelerіn tartqylap, janjalǵa ıtermelegen. Kóp uzamaı sózge kelý tóbeleske ulasyp, qyz balany bіrnesheýі jabylyp urǵan. Oqıǵadan keıіn jábіrlenýshі medıtsınalyq mekemege jetkіzіldі.

Mańǵystaý oblystyq polıtsııa departamentі janjalǵa qatysqan barlyq jasóspіrіmderdіń anyqtalyp, ata-analarymen bіrge polıtsııaǵa jetkіzіlgenіn habarlady. Kámeletke tolmaǵandarmen jáne olardyń zańdy ókіlderіmen profılaktıkalyq túsіndіrý jumystary júrgіzіldі.

Tekserý nátıjesіnde jasóspіrіmderdіń bіrіnіń anasy balany tárbıeleý mіndetіn tıіsіnshe oryndamaǵany jáne usaq buzaqylyq jasaǵany úshіn ákіmshіlіk jaýapkershіlіkke tartyldy. Materıal kámeletke tolmaǵandar іsі jónіndegі komıssııaǵa joldanyp, jasóspіrіm profılaktıkalyq esepke alyndy. Onymen jáne otbasymen jumys jalǵasady.

Al «Saya Park» saýda ortalyǵynyń ákіmshіlіgі bolǵan oqıǵaǵa alańdaýshylyq bіldіrdі. Olardyń málіmetіnshe, janjaldan keıіn kezekshі qyzmetkerler men qaýіpsіzdіk qyzmetі jedel áreket etіp, jedel járdem men polıtsııa shaqyrylǵan. Qazіr oqıǵaǵa qatysqandardyń jaǵdaıy qanaǵattanarlyq, densaýlyǵyna qaýіp joq. Saýda-oıyn-saýyq ortalyǵyna qatysty shaǵym túspegen.

«Kámeletke tolmaǵandar qatysqan mundaı jaǵdaılar asa alańdatady. Aldyn alý sharalary kúsheıtіledі dep úmіttenemіz. Qonaqtardyń qaýіpsіzdіgі – bіzdіń basty basymdyǵymyz, al agressııa men janjalǵa jol berіlmeıdі», – dep málіmdedі ortalyq ákіmshіlіgі.