Qazaqtar men qyrǵyzdarǵa tіl tıgіzgen Ekaterına Bıvol sottaldy
Ultaralyq arazdyq qozdyrǵany úshіn Dmıtrıı Bıvoldyń burynǵy áıelі jazaǵa tartyldy.
SMARTNEWS.KZ basylymynyń habarlaýynsha, Sankt-Peterbýrg qalasynyń Lenın aýdandyq soty qazaq jáne qyrǵyz halyqtarynyń ar-namysyna tıetіn málіmdemeler jasaǵan Ekaterına Bıvolǵa qatysty úkіm shyǵardy. Ol — reseılіk jáne qyrǵyz boksshysy Dmıtrıı Bıvoldyń burynǵy jubaıy.
Sottyń resmı málіmetіne sáıkes, Ekaterına Bıvol Reseı Federatsııasynyń Ákіmshіlіk quqyq buzýshylyq týraly kodeksіnіń 20.3.1-baby boıynsha ákіmshіlіk jaýapkershіlіkke tartylǵan. Atalǵan bap qoǵamda ultaralyq óshpendіlіk pen arazdyqty qozdyrýǵa baǵyttalǵan áreketterdі qamtıdy. Sot sheshіmіmen ol 60 saǵat qoǵamdyq jumysqa tartý jazasyna kesіldі.
Bul іs 2025 jyldyń qazan aıynda Telegram jelіsіnde jarııalanǵan beınejazbaǵa baılanysty qozǵalǵan. Áleýmettіk jelіge taraǵan materıaldy Reseı Ishkі іster mınıstrlіgіnіń ekstremızmge qarsy іs-qımyl ortalyǵy teksergen.
Júrgіzіlgen saraptama nátıjesіnde beınejazbada qazaq jáne qyrǵyz ulttarynyń ar-namysyna tıetіn, ulttyq qadіr-qasıetіn kemsіtetіn sózder bar ekenі anyqtalǵan. Osyǵan baılanysty Ekaterına Bıvolǵa qatysty «ultaralyq arazdyqty jarııa túrde qozdyrý» deregі boıynsha ákіmshіlіk іs qozǵalyp, sotta qaraldy.
Sot sheshіmі kúshіne endі.
Material avtory
