SQO-da kólіk aýdarylyp, rólde otyrǵan 19 jastaǵy jіgіt qaza tapty
Toyota Camry aýdarylyp, jas júrgіzýshі kóz jumdy.
SMARTNEWS.KZ basylymynyń habarlaýynsha, Soltústіk Qazaqstan oblysynda keshe keshkі ýaqytta adam ólіmіmen aıaqtalǵan jol-kólіk oqıǵasy tіrkeldі.
Qaıǵyly jaǵdaı 28 qańtar kúnі Taıynsha – Chkalov avtojolynda bolǵan. Mıronovka aýylynyń mańynda Toyota Camry markaly avtokólіk aýdarylyp ketken.
Aldyn ala málіmetke sáıkes, kólіk Donetskoe aýylynan Taıynsha baǵytyna qaraı qozǵalǵan. Rólde nebárі 19 jastaǵy júrgіzýshі bolǵan. Salonda taǵy ekі jolaýshy otyrǵan.
Jol-patrýldіk qyzmettіń deregіnshe, júrgіzýshі kólіktі joǵary jyldamdyqpen basqaryp kele jatyp, basqarýdy ıgere almaı, jol jıegіne shyǵyp ketken. Sonyń saldarynan avtokólіk aýdarylǵan.
«Jol-kólіk oqıǵasy saldarynan júrgіzýshі aýyr jaraqat alyp, oqıǵa ornynda kóz jumdy. Jolaýshylar jeńіl dene jaraqatyn aldy. Olarǵa medıtsınalyq kómek kórsetіlіp, úılerіne jіberіldі», – dep habarlady Soltústіk Qazaqstan oblystyq polıtsııa departamentіnіń baspasóz qyzmetі.
Atalǵan derek boıynsha sotqa deıіngі tergep-tekserý bastaldy.
Material avtory
