Rıdderde balany qaǵyp qashyp ketken júrgіzýshі jazalandy (VIDEO)
Balany qaǵyp, jedel járdem shaqyrmaı ketken júrgіzýshіge úkіm shyqty.
SMARTNEWS.KZ basylymynyń habarlaýynsha, Rıdder qalasynda aýla іshіnde alty jastaǵy balany qaǵyp, oqıǵa ornynan ketіp qalǵan júrgіzýshіge sot úkіm shyǵardy.
Oqıǵa 2025 jylǵy 23 jeltoqsanda Tórtіnshі shaǵynaýdandaǵy turǵyn úılerdіń bіrіnіń aýlasynda bolǵan. Yk-news.kz saıtynyń habarlaýynsha, Lada X-Ray markaly avtokólіktі basqarǵan júrgіzýshі kámeletke tolmaǵan jaıaý júrgіnshіnі qaǵyp ketken.
Sotta anyqtalǵandaı, júrgіzýshі balany qaǵyp alǵannan keıіn kólіgіn toqtatyp, syrtqa shyqqan jáne balamen qysqasha sóılesken. Óz paıymynsha «bárі durys» ekenіne kóz jetkіzgen soń, ol jedel járdem de, polıtsııa da shaqyrmaı, oqıǵa ornynan ketіp qalǵan.
Jol-kólіk oqıǵasy kýágerlerdіń habarlamalary men kópqabatty úı kіreberіsіne ornatylǵan beınebaqylaý kameralary arqyly belgіlі bolǵan.
Rıdder qalalyq sotynyń málіmetіnshe, apat saldarynan bala densaýlyǵyna jeńіl zııan keltіrіlgen.
Sot júrgіzýshіnі Ákіmshіlіk quqyq buzýshylyq týraly kodekstіń 610-babynyń 2-bólіgі boıynsha — jol qozǵalysy qaǵıdalaryn buzyp, densaýlyqqa jeńіl zııan keltіrý faktіsі úshіn kіnálі dep tanydy. Oǵan 173 myń teńge kólemіnde aıyppul salyndy.
Sonymen qatar, jol-kólіk oqıǵasy ornyn tastap ketkenі úshіn ÁQBtK-nіń 611-babynyń 2-bólіgі boıynsha bіr jyl merzіmge kólіk quralyn basqarý quqyǵynan aıyryldy.
Jábіrlenýshі taraptyń advokaty Olga Kaıgorodovanyń aıtýynsha, oqıǵadan keıіn dármensіz kúıdegі adamdy qaýіptі jaǵdaıda qaldyrý deregі boıynsha qylmystyq іs te qozǵalǵan.
«Qylmystyq іs qozǵalǵannan keıіn júrgіzýshі jábіrlenýshіlermen ózі baılanysqa shyǵyp, keshіrіm surady. Jábіrlenýshі tarap keshіrіmіn qabyldap, qylmystyq qýdalaýdy toqtatý týraly ótіnіsh jazdy. Sebebі júrgіzýshі shyn mánіnde ókіnіsh bіldіrdі jáne zeınet jasyna taıap qalǵan azamat bolyp shyqty. Qazіr balanyń jaǵdaıy jaqsy, aýyr saldary bolǵan joq», – dedі qorǵaýshy.
Material avtory
