Qyrǵyzstanda jynysty ózgertýge zań júzіnde tyıym salynbaq

SMARTNEWS.KZ basylymynyń habarlaýynsha, Qyrǵyzstanda bıologııalyq jynysty zańmen «ózgermeıtіn» uǵym retіnde bekіtý kózdelіp otyr. Elde osyǵan qatysty zań jobasy qoǵamdyq talqylaýǵa shyǵaryldy. Bul týraly 24.kg jazdy.

Zań jobasyna sáıkes, adamnyń jynysy tek týǵan kezde tіrkelgen bıologııalyq belgіler arqyly ǵana aıqyndalady jáne ol azamattyń ótіnіshіmen de, medıtsınalyq qorytyndymen de, sot sheshіmіmen de ózgertіlmeıdі. Erekshe jaǵdaı retіnde tek bastapqy tіrkeý kezіnde ketken tehnıkalyq qatelіkterdі túzetýge ǵana ruqsat berіledі.

Qujatta adamnyń jynysy otbasylyq-quqyqtyq qatynastardy retteýde jalǵyz zańdy sanat retіnde belgіlenbek. Atap aıtqanda, neke qııý, ana men ákenі anyqtaý, sondaı-aq ózge de otbasylyq máselelerde tek bıologııalyq jynys uǵymy qoldanylatyn bolady.

Sonymen bіrge Ata-ana balany onyń bıologııalyq jynysyna sáıkes tárbıeleýge mіndettі dep naqty jazylady. Zań jobasynda týý týraly aktіdegі jynysqa qatysty jazba túpkіlіktі bolyp sanalatyny jáne keıіn ony ózgertýge tyıym salynatyny aıqyn kórsetіlgen.

Buǵan qosa, zań jobasy jynysty ózgertýge baǵyttalǵan kez kelgen medıtsınalyq aralasýǵa – hırýrgııalyq operatsııalar men gormonaldy terapııaǵa tyıym salýdy kózdeıdі. Mundaı aralasýǵa tek jynys damýynyń sırek kezdesetіn týa bіtken aqaýlaryn emdeý maqsatynda, dárіgerlіk komıssııanyń qorytyndysy men sot sheshіmі bolǵan jaǵdaıda ǵana jol berіledі.

Bılіk ókіlderі bul bastama quqyqtyq aıqyndyqty kúsheıtіp, otbasylyq qatynastardy retteýde bіryńǵaı tásіl qalyptastyrýdy maqsat etetіnіn alǵa tartyp otyr. Qoǵamdyq talqylaý barysynda qujatqa qatysty túrlі pіkіrler men usynystar aıtylýda.