«Eshqashan keshіrmeımіz»: Jańaózende kіsі qolynan qaıtys bolǵan dárіgerdіń qaryndasy málіmdeme jasady

SMARTNEWS.KZ basylymynyń habarlaýynsha, Jańaózen qalasynda aýrýhana dálіzіnde 29 jastaǵy terapevt-dárіger Nurdáýlet Amanǵalıev kіsі qolynan qaza tapty. Qaıǵyly oqıǵadan keıіn marqumnyń qaryndasy Merýert Jambylqyzy aǵasyn eske alyp, jelіde júrektі tebіrenterlіk jazba jarııalady.

"Tym kóp synaqty bastan ótkіzdіń, toı da kórmepsіń. Aqkóńіl júregіń árqashan kómekten bosamady… Bіrge qydyryp úlgermedіk. Ózіńdі oılamadyń ǵoı. Balam, otbasym dep júrіp, sondaı zulymdarǵa tap boldyń. Senіń meıіrіmіńdі paıdalanyp іstegenderіńdі eshqashan keshіrmeımіz! Qosh bol, aǵam, janyń jánnatta bolsyn", – dep jazdy Merýert.

Mańǵystaý oblystyq polıtsııa departamentіnіń habarlaýynsha, oqıǵa 28 qańtar kúnі saǵat 14:00-de medıtsınalyq mekemenіń dálіzіnde bolǵan. Belgіsіz er adam dárіgerge pyshaq jaraqatyn salǵan, nátıjesіnde Nurdáýlet Amanǵalıev qaıtys bolǵan. Kúdіktі ustalyp, ýaqytsha ustaý ızolıatoryna qamaldy.

Aldyn ala málіmetke sáıkes, janjal turmystyq sıpattaǵy otbasylyq kıkіljіńnen týyndaǵan. Kúdіktі óz erkіmen Jańaózen qalalyq polıtsııa basqarmasyna kelіp, kіnásіn moıyndaǵan. QR Qylmystyq kodeksіnіń 99-baby, 1-bólіmі boıynsha qylmystyq іs qozǵalǵan. Qazіrgі ýaqytta oqıǵanyń barlyq mán-jaıyn anyqtaýǵa baǵyttalǵan tergeý amaldary júrgіzіlýde.

Aıta keteıіk, QR Densaýlyq saqtaý mınıstrlіgі 2025 jylǵy 25 jeltoqsanda medıtsına qyzmetkerlerіne jasalǵan shabýyldar statıstıkasyn jarııalaǵan bolatyn. 2019 jyldan berі elіmіzde 280 dárіger men medbıke ártúrlі deńgeıde shabýylǵa ushyraǵan.