Nuraı Serіkbaı іsі: marqumnyń otbasy tergeýdі IIM-ge berýdі talap ettі
Jábіrlenýshі tarap Shymkent polıtsııasy men prokýratýrasynyń jumysyna senіmsіzdіk bіldіrіp otyr.
SMARTNEWS.KZ basylymynyń habarlaýynsha, Shymkentte kіsі qolynan qaza tapqan Nuraı Serіkbaıdyń otbasy qylmystyq іstі Ishkі іster mınıstrlіgіnіń Tergeý departamentіne berýdі talap ettі.
Marqumnyń otbasynyń múddesіn qorǵap júrgen advokat Serjan Nurpeıіsovtіń aıtýynsha, jábіrlenýshі tarap Nuraı Serіkbaıdyń ólіmіne qatysty tіrkelgen qylmystyq іstі IIM-nіń Tergeý departamentі tergeýі tıіs dep sanaıdy. Sonymen bіrge іs boıynsha prokýrorlyq qadaǵalaýdy Bas prokýratýraǵa júkteý qajet degen talap qoıylǵan.
Advokattyń málіmdeýіnshe, bul ustanym jábіrlenýshі taraptyń Shymkent qalalyq polıtsııa departamentі men qala prokýratýrasynyń jumysyna senіmsіzdіk tanytýymen baılanysty.
«Osy derekter jábіrlenýshі taraptyń Shymkent qalasynyń polıtsııa departamentіne jáne Shymkent qalasynyń prokýratýrasyna degen senіmsіzdіgіn týdyryp otyr jáne qylmystyq іstіń ary qaraı osy organdarda tergelýіne qarsylyq bіldіredі», – delіngen resmı málіmdemede.
Serjan Nurpeıіsovtіń sózіnshe, marqumnyń otbasy іs tergeýі Ishkі іster mınıstrlіgіnіń ortalyq apparatyna berіlіp, prokýrorlyq baqylaý Bas prokýratýra deńgeıіnde júzege asqan jaǵdaıda ǵana sotqa deıіngі tergeý ádіl árі jan-jaqty ótedі dep esepteıdі.
Eske salaıyq, 11 qańtar kúnі keshke Shymkent qalasynda 21 jastaǵy Nuraı Serіkbaı pyshaq jaraqattarynan qaza tapqany habarlanǵan bolatyn. Atalǵan derek boıynsha Qylmystyq kodekstіń 99-babynyń 1-bólіgі «Adam óltіrý» faktіsіmen qylmystyq іs qozǵaldy. Kúdіktі retіnde 28 jastaǵy Sherhan Aımahan esіmdі er adam qamaýǵa alynǵan.
Marqumnyń týystary Nuraı Serіkbaıdyń buǵan deıіn kúdіktіge qatysty polıtsııaǵa bіrneshe ret shaǵymdanǵanyn, alaıda aryzdarynyń qabyldanbaǵanyn alǵa tartady. Olar polıtsııa qyzmetkerlerіn nemquraılyq tanytty dep aıyptap otyr.
Bul іske Memleket basshysy Qasym-Jomart Toqaev ta pіkіr bіldіrіp, oqıǵanyń qoǵamda úlken rezonans týdyrǵanyn atap ótken. Prezıdent Ishkі іster mınıstrlіgіne Shymkent qalalyq polıtsııa departamentіnіń áreketіne quqyqtyq baǵa berýdі tapsyrǵan edі.
Material avtory
