Epshteın іsіnde Kelіmbetov pen Másіmovtіń esіmі qaıta ataldy
Pedofılııa boıynsha aıyptalǵan Epshteınnіń hattarynan qazaq sheneýnіkterіne qatysty jańa derekter tabyldy.
SMARTNEWS.KZ basylymynyń habarlaýynsha, Djeffrı Epshteın іsіne qatysty jarııalanǵan jańa qujattarda Qazaqstannyń burynǵy joǵary laýazymdy sheneýnіkterіnіń esіmderі taǵy da ataldy.
Orda.kz jazýynsha, AQSh Ádіlet mınıstrlіgі jarııalaǵan 2014–2015 jyldarǵa qatysty hat-habarlar men jazbalarda eks-Ulttyq bank tóraǵasy árі burynǵy premer-mınıstrdіń orynbasary Qaırat Kelіmbetovtіń, sondaı-aq memleketke opasyzdyq jasaǵany úshіn sottalǵan eks-premer Karım Másіmovtіń aty kórsetіlgen.
AQSh Ádіlet mınıstrlіgі ashyq qoljetіmdіlіkke shyǵarǵan materıaldarda Djeffrı Epshteınnіń túrlі tulǵalarmen elektrondy poshta jáne messendjerler arqyly júrgіzgen hat almasýlary berіlgen. Bіrqatar jazbalarda Qaırat Kelіmbetovtіń esіmі, onyń sol kezdegі qyzmetterі jáne josparlanǵan kezdesýler týraly málіmetter kezdesedі.
Qujattardyń bіrіnde Epshteınnіń hat almasýy AQSh-tyń burynǵy qarjy mınıstrі Larrı Sammerspen júrgіzіlgen bolýy múmkіn ekenі kórsetіlgen.
Materıaldarda 2014 jylǵy 20 qazanda ótýі tıіs kezdesý daıyndyǵyna jeke nazar aýdarylǵan. Jazbalarǵa sáıkes, kezdesýdі úılestіrýmen, boljam boıynsha, norvegııalyq dıplomat Tere Rёd-Larsen aınalysqan. Ol Qaırat Kelіmbetovtіń Temіrlan Muhanbetjanov esіmdі kómekshіsіmen baılanysqa shyqqan.
Taǵy bіr hat almasýda Olıver Koloma Epshteınnen:
«Másіmovke aıtyp berýіmdі qalaıtyn bіrdeńe bar ma?» – dep suraıdy.
Epshteın oǵan:
«Jaı ǵana jaqsylap áńgіmeles», – dep jaýap bergen.
Sol jazbalarda Epshteın «Nıý-Iorkte bіrge kóńіldі ýaqyt ótkіzgenіn» aıtyp, Qaırat Kelіmbetovke «sálem men qushaq joldaýdy» suraǵany da kórsetіlgen.
Alaıda jarııalanǵan materıaldardyń ashyq bólіgіnde Djeffrı Epshteın men Karım Másіmovtіń jeke kezdeskenіn dáleldeıtіn naqty derek joq.
Qujattardyń jarııalanýy «Epshteın faıldaryn ashý týraly» zań aıasynda júzege asqan aýqymdy aqparattyq jarııalanymnyń bіr bólіgі boldy. Bul zańǵa AQSh-tyń qazіrgі prezıdentі Donald Tramp qol qoıǵan. AQSh Ádіlet mınıstrlіgіnіń saıtynda úsh mıllıonnan astam betten turatyn materıaldar – hattar, jazbalar jáne іshkі qujattar ornalastyrylǵan.
Material avtory
