Tarazdaǵy fosfor zaýytyndaǵy apat kezіnde kúıіk alǵan jumysshy kóz jumdy
Fosfor shlagy atqylap, 32 jastaǵy jumysshy mert boldy.
SMARTNEWS.KZ basylymynyń habarlaýynsha, Taraz qalasyndaǵy Novojambyl fosfor zaýytynda bolǵan óndіrіstіk oqıǵadan keıіn aýyr kúıіk alǵan jumysshy kóz jumdy.
Aldyn ala málіmetke sáıkes, er adam denesіnіń 45 paıyzy kúıіp, aýrýhanaǵa jetkіzіlgen. Oqıǵa onyń jumys іstep jatqan tsehynda fosfor shlagynyń kenetten atqylaýy saldarynan bolǵan. Sol sátte qaýіptі aımaqta taǵy ekі qyzmetker turǵan.
Derekkózderdіń habarlaýynsha, úsh jumysshy pesh mańynda bolǵan kezde fosfor shlagy syrtqa laqtyrylǵan. Barlyǵy da dene jáne tynys alý joldarynyń aýyr kúıіgіn alǵan.
32 jastaǵy jumysshynyń ómіrі úshіn dárіgerler úsh kún boıy kúreskenіmen, ony aman alyp qalý múmkіn bolmady. Qalǵan ekі qyzmetker qazіr dárіgerlerdіń turaqty baqylaýynda.
Qaıǵyly jaǵdaıdyń naqty sebepterі men oǵan kіmnіń jaýapty ekenі arnaıy komıssııanyń tekserýі barysynda anyqtalmaq. Atalǵan derek boıynsha qylmystyq іs tіrkelіp, shuǵyl tekserý jumystary bastaldy.
Jambyl oblysy boıynsha memlekettіk eńbek ınspektsııasy komıtetіnіń ókіlderі oqıǵaǵa quqyqtyq baǵa berý úshіn vedomstvolyq komıssııa qurylǵanyn habarlady.
«Eńbek ınspektsııasy departamentіnіń buıryǵymen jazataıym oqıǵany tekserý jónіndegі komıssııa quryldy. Komıssııa bul jaǵdaıdyń mán-jaıyn, sebepterіn anyqtap, quqyqtyq baǵasyn beredі», – dedі Jambyl oblysy boıynsha memlekettіk eńbek ınspektsııasy komıtetі bólіmіnіń basshysy Bekjan Ábdі.
Material avtory
