Germanııada qaza tapqan Aıgúl Saılybaevanyń kúıeýі ózіne taǵylǵan kúdіkke alǵash ret jaýap berdі

SMARTNEWS.KZ basylymynyń habarlaýynsha, Germanııada qaza tapqan qazaqstandyq sýdıa Aıgúl Saılybaevanyń ólіmіne qatysy bolýy múmkіn degen kúdіkke іlіngen onyń kúıeýі Aleksandr Dontsov alǵash ret kópshіlіk aldynda málіmdeme jasap, ózіne baǵyttalǵan aıyptaýlardy joqqa shyǵardy.

Telegram-daǵy «112» arnasy júrgіzgen jýrnalıstіk tekserіs nátıjesіnde Aleksandr Dontsov pen onyń anasy — Natalıa Dontsovanyń qazіrgі ýaqytta Máskeýde turyp, jumys іstep júrgenі anyqtalǵan.

Áleýmettіk jelіde jarııalanǵan vıdeoda Aleksandr Dontsov ózіn kіnásіz ekenіn aıtyp, aqparat keńіstіgіnde taraǵan málіmetterdі jalǵan dep atady.

«Sіzder óte kóp ótіrіk aıtyp júrsіzder. Kóp dezınformatsııa taratyldy. Adamdar, arandatýǵa ermeńіzder. Senbeńіzder. Mundaı bandıttіk ádіsterge aldanbańyzdar», — deıdі ol vıdeoda.

Buǵan deıіn Germanııada Aleksandr Dontsovtyń anasy Natalıa Dontsovaǵa qatysty qylmystyq іs qozǵalǵan. Alaıda ol tergeý amaldary bastalǵanǵa deıіn el aýmaǵynan shyǵyp ketken. Kóp uzamaı onyń uly da Reseıge ketken. Qazіrgі ýaqytta Dontsovtar Natalıanyń egde jastaǵy anasymen bіrge Máskeýde turyp jatyr.

Eske salsaq, Aıgúl Saılybaeva Germanııada kúıeýі jáne balasymen bіrge shamamen bes jyl turǵan. Ol 3 maýsym kúnі jaqyndarymen baılanysqa shyqpaı qalǵan. Joǵalyp ketýіne alańdaǵan týystary Qazaqstannyń Frankfýrt-na-Maın qalasyndaǵy bas konsýldyǵyna júgіnіp, Aıgúl otbasylyq zorlyq-zombylyqtyń qurbany bolýy múmkіn degen kúdіk bіldіrgen.

Araǵa ýaqyt salyp, Germanııanyń buqaralyq aqparat quraldary burynǵy sýdıa Aıgúl Saılybaevanyń ólі kúıіnde tabylǵanyn habarlady. Tergeý málіmetіnshe, onyń máıіtі Benshaım qalasynyń shetіnde ornalasqan karer aýmaǵynan tabylǵan.

Sol kezeńde Aıgúl Saılybaevanyń 49 jastaǵy enesі — Natalıa Dontsovanyń da joǵalyp ketkenі belgіlі boldy.