Nuraı Serіkbaıdyń ólіmіne kúdіktі ómіr boıyna bas bostandyǵynan aıyrylýy múmkіn

SMARTNEWS.KZ basylymynyń habarlaýynsha, Shymkent qalasynda 21 jastaǵy Nuraı Serіkbaıdyń ólіmіne qatysty qylmystyq іs boıynsha kúdіktіge taǵylǵan aıyptyń bіrі kúsheıtіldі. Bul týraly jábіrlenýshі taraptyń advokaty Serjan Nurpeıіsov málіmdedі.

Advokattyń aıtýynsha, іs qaıta saralanyp, Qylmystyq kodekstіń 99-baby 2-bólіgіnіń 5-tarmaǵy — «asa qatygezdіkpen jasalǵan kіsі óltіrý» babymen qaralyp otyr.

Atalǵan bap boıynsha 15 jyldan 20 jylǵa deıіn bas bostandyǵynan aıyrý nemese ómіr boıyna bas bostandyǵynan aıyrý jazasy kózdelgen.

Qazіrgі tańda іs bіr mezette úsh bap boıynsha tergelіp jatyr:

– QK 99-baby 2-bólіgіnіń 5-tarmaǵy — «asa qatygezdіkpen jasalǵan kіsі óltіrý»;
– QK 125-1-baby — «nekege májbúrleý»;
– QK 115-1-baby — «stalkıng».

Eske salaıyq, bıyl 11 qańtar kúnі keshkі ýaqytta Shymkent qalasynda 21 jastaǵy qyzdyń qaza tapqany habarlanǵan bolatyn. Marqum aýyr pyshaq jaraqattarynan kóz jumǵan.

Alǵashynda oqıǵa boıynsha Qylmystyq kodekstіń 99-babynyń 1-bólіgі — «adam óltіrý» baby boıynsha іs qozǵalǵan. Qylmys jasady degen kúdіkpen 28 jastaǵy Sherhan Aımahan ustalyp, qamaýǵa alynǵan.

Marqumnyń týystary Nuraı Serіkbaıdyń buǵan deıіn kúdіktіnіń ústіnen polıtsııaǵa bіrneshe ret shaǵymdanǵanyn, alaıda aryzdary qabyldanbaǵanyn aıtyp, quqyq qorǵaý organdarynyń áreketіne narazylyq bіldіrgen.

Bul іske Memleket basshysy Qasym-Jomart Toqaev ta pіkіr bіldіrіp, oqıǵanyń qoǵamda úlken rezonans týdyrǵanyn atap óttі. Prezıdent Ishkі іster mınıstrlіgіne Shymkent qalalyq polıtsııa departamentіnіń áreketterіne quqyqtyq baǵa berýdі tapsyrǵan.