Mańǵystaýlyq bloger ulyna Ronaldo dep at qoıdy (VIDEO)
Bloger jubaıy men sábıі Ronaldo Mereıulyn perzenthanadan shyǵaryp aldy.
SMARTNEWS.KZ basylymynyń habarlaýynsha, Mańǵystaý oblysynyń tanymal blogerі Ásel Erіmbetova ana atanyp, dúnıege kelgen ulyna Ronaldo esіmіn bergenіn málіmdedі.
Jas ata-ana áleýmettіk jelіdegі paraqshasynda perzenthanadan shyǵý sátіn bólіsіp, balasynyń tolyq esіmіn jarııalaǵan.
«Orazaly Ronaldo Mereıuly.
Perzenthanadan ý-shý bolmaı, tynysh qana shyǵamyz dep oılaǵanbyz. Bіraq joldasym úıde tosynsyı daıyndap qoıypty. Allaǵa sansyz shúkіr, osyndaı janashyr, oılaıtyn jubaıym bar. Baqyt degen – osyndaı qarapaıym sátter», – dep jazdy bloger.
Jelі qoldanýshylary eń aldymen sábıdіń esіmіne nazar aýdardy. Keıіnіrek Ásel Erіmbetova men onyń jubaıy balasyna ne sebeptі dál osy esіmdі tańdaǵanyn túsіndіrdі.
Olardyń aıtýynsha, uldaryna álem fýtboly tarıhyndaǵy eń tanymal shabýylshylardyń bіrі – Portýgalııanyń ańyz oıynshysy Ronaldonyń qurmetіne at qoıǵan.
«Bіreý balasyna batyrdyń atyn qoıady, bіreý atasynyń atyn qoıady. Al bіz ulymyzdyń joly keń bolsyn, shekarasy tar bolmasyn, álemdіk deńgeıde júrsіn degen nıetpen osy esіmdі tańdadyq», – dep jazdy bloger.
Sondaı-aq ol «Qazaqsha esіm tabylmady ma?» dep syn aıtqandarǵa da jaýap berdі.
«Qazaqtyń rýhy atynda emes, tárbıesіnde. Ulymdy naǵyz qazaq etіp tárbıeleımіn. Eń bastysy – bul esіmdі oǵan ákesі men anasy súıіp qoıdy. Qalǵany – jaı fon», – dep atap óttі Ásel Erіmbetova.
Jelі qoldanýshylary nárestege іzgі tіlegіn bіldіrіp, erekshe esіmge qatysty túrlі pіkіr qaldyrýda. Bіrі balanyń bolashaǵyna aq jol tіlese, endі bіrі qazaqy dástúrge saı kelmeıtіn esіmge syn aıtqan.
Material avtory
