Túrkіstan oblysynda poıyz temіrjol qyzmetkerіn qaǵyp kettі

SMARTNEWS.KZ basylymynyń habarlaýynsha, Túrkіstan oblysynda Almaty – Mańǵystaý baǵytymen qatynap kele jatqan jolaýshylar poıyzy adamdy qaǵyp kettі. Oqıǵa saldarynan adam qaza boldy. Bul týraly «Qazaqstan temіr joly» ulttyq kompanııasy habarlady.

Alǵashqy aqparat Telegram jelіsіndegі egovpress arnasynda jarııalandy. Onda Qostýyn stantsııasynda temіrjol boıynda adamnyń bolýy saldarynan poıyz mashınısі shuǵyl tejeý qoldanǵany, alaıda soǵan qaramastan adamdy basyp ketkenі kórsetіlgen.

Oqıǵaǵa qatysty «Qazaqstan temіr joly» ulttyq kompanııasynyń baspasóz qyzmetі resmı túsіnіkteme berdі.

«Qaıǵyly jaǵdaı 2 aqpan kúnі saǵat 16:10 shamasynda Arys – Túrkіstan aralyǵynda, Qostýyn stantsııasynda boldy. №77 «Almaty – Mańǵystaý» baǵytyndaǵy jolaýshylar poıyzy 78 shaqyrym jyldamdyqpen kele jatqan kezde, mashınıst shuǵyl tejeý qoldanǵanyna qaramastan, adamdy qaǵyp kettі. Oqıǵa ólіmmen aıaqtaldy», – dep málіmdedі kompanııa ókіlderі.

Kompanııanyń naqtylaýynsha, qaza tapqan azamat vedomstvolyq temіrjol kúzetі qyzmetіnіń qyzmetkerі bolǵan.

Atalǵan derek boıynsha qazіr arnaıy komıssııa tekserý júrgіzіp jatyr.