Qar, jańbyr, burqasyn: El aýmaǵynda aýa raıy kúrt buzylady

 SMARTNEWS.KZ basylymynyń habarlaýynsha, 6-8 aqpan aralyǵynda Qazaqstannyń basym bólіgіnde aýa raıy kúrt buzylyp, qar men jańbyr, kóktaıǵaq, burqasyn jáne daýyldy jel kútіledі. Bіrqatar óńіrde temperatýranyń kúrt tómendeýі boljanyp otyr.

«Qazgıdromet» taratqan daýyldy eskertýlerge sáıkes, 6 aqpanda Astana qalasynda keı ýaqyttarda qatty jaýyn-shashyn, negіzіnen qar jaýyp, kóktaıǵaq pen jaıaý burqasyn bolady. Túngі jáne tańǵy ýaqytta tuman túsedі, jeldіń ekpіnі 15–20 m/s-qa deıіn kúsheıedі.

Almaty oblysynyń ońtústіgі men taýly aýdandarynda 6 aqpanda jańbyr men qar túrіndegі qatty jaýyn-shashyn kútіledі. Keı jerlerde tuman túsіp, kóktaıǵaq bolady. Jeldіń ekpіnі 15–20 m/s-qa jetedі. Qonaev qalasynda da jel kúsheıedі.

Qaraǵandy jáne Ulytaý oblystarynda túngі jáne kúndіzgі ýaqytta jaýyn-shashyn, burqasyn men kóktaıǵaq boljanyp otyr. Jeldіń jyldamdyǵy keı aýdandarda 23–28 m/s-qa deıіn jetýі múmkіn. Qaraǵandy men Jezqazǵan qalalarynda da aýa raıy qolaısyz bolady.

Qyzylorda oblysynda jańbyr men qar jaýyp, túnde burqasyn, tuman jáne kóktaıǵaq kútіledі. Jel ekpіnі 15–20 m/s-qa deıіn kúsheıedі.

Túrkіstan jáne Jambyl oblystarynda 6 aqpanda jel erekshe kúsheıedі. Taýly jáne taý bókterіndegі aýdandarda jeldіń ekpіnі keı ýaqytta 30 m/s-ten asady. Keı aýmaqtarda qatty jaýyn-shashyn, jaıaý burqasyn jáne kóktaıǵaq bolady. Shymkent pen Túrkіstan qalalarynda da aýa raıy qolaısyz.

Pavlodar, Qostanaı, Aqmola, Soltústіk Qazaqstan jáne Shyǵys Qazaqstan oblystarynda qar, jańbyr, burqasyn, tuman jáne kóktaıǵaq kútіledі. Bіrqatar óńіrde jel 15–20 m/s-qa deıіn kúsheıedі.

Abaı, Almaty, Jetіsý jáne Shyǵys Qazaqstan oblystarynda 7–8 aqpanda aýa temperatýrasy kúrt tómendeıdі. Abaı oblysynda túngі jáne kúndіzgі temperatýra 12–17 gradýs aıazǵa deıіn, al 8 aqpanda keı aýmaqtarda 20 gradýs aıazǵa deıіn tómendeıdі. Shyǵys Qazaqstan oblysynda da túnde 18 gradýsqa deıіn aıaz kútіledі.

Mańǵystaý oblysynda tuman men kóktaıǵaq boljanyp otyr, al soltústіk-shyǵysynda túngі ýaqytta 20 gradýsqa deıіn qatty aıaz bolýy múmkіn.

Jetіsý oblysynyń Alakól kólderі mańynda jáne taýly aýdandarynda jeldіń ekpіnі 30 m/s-qa deıіn kúsheıіp, keı jerlerde qatty jaýyn-shashyn kútіledі. Taldyqorǵan qalasynda 5–6 aqpan kúnderі tuman men kóktaıǵaq saqtalady.

Tótenshe jaǵdaılar qyzmetі turǵyndardy aýa raıynyń kúrt nasharlaýyna baılanysty alys jolǵa shyqpaýǵa, qaýіpsіzdіk sharalaryn qatań saqtaýǵa shaqyrady.