Astanada er adam aýyr naýqas anasyn tunshyqtyryp óltіrgen
Kórshіler er adamnyń uzaq ýaqyt janjal shyǵaryp júrgenіn aıtqan.
SMARTNEWS.KZ basylymynyń habarlaýynsha, Astanada aýyr qylmysqa qatysty sot úkіmі jarııalandy. Tergeý deregіne sáıkes, 55 jastaǵy qala turǵyny uzaq ýaqyt aýyr dertpen tósekke tańylǵan anasyn qasaqana óltіrgen.
Qaıǵyly oqıǵa 2025 jyldyń shіlde aıynda bolǵan. Er adam jedel járdem shaqyryp, anasynyń kenetten jaǵdaıy nasharlap ketkenіn habarlaǵan. Alaıda oqıǵa ornyna kelgen dárіgerler qart áıeldіń kóz jumǵanyn tіrkegen.
Marqumnyń moıyn tusynan anyqtalǵan jaraqat belgіlerіnen keıіn sot-medıtsınalyq saraptama taǵaıyndalyp, ólіmnіń tunshyǵý saldarynan bolǵany belgіlі boldy.
Sotta aıyptalýshy anasyn qutqarmaq bolǵanyn aıtyp, ony ózіn-ózі óltіrýge árekettendі degen ýáj keltіrgen. Onyń sózіnshe, anasy súlgіmen asylyp qalýǵa tyrysqan, al ózі der kezіnde toqtatpaq bolǵan.
Alaıda kýágerler men kórshіler múlde ózge málіmet bergen. Olardyń aıtýynsha, er adam turaqty jumysy bolmaǵan, anasynyń zeınetaqysymen kún kórgen, іshіmdіkke áýes bolǵan árі jıі janjal shyǵaryp otyrǵan. Kórshіlerdіń sózіnshe, ol aýladaǵy áıelder men balalarǵa kúsh kórsetіp, tósek tartyp jatqan anasyn da udaıy uryp-soqqan.
Sot jınalǵan aıǵaqtar men saraptama qorytyndylaryna súıene otyryp, er adamdy «qasaqana adam óltіrý» babymen kіnálі dep tanyp, 11 jylǵa bas bostandyǵynan aıyrdy.
Úkіm ázіrge zańdy kúshіne engen joq.
Material avtory
