Reseılіk blogermen tóbelesken qazaq model qyzǵa qatysty іs jabyldy
Gúlsezіm Adaıbekova bostandyqqa shyqty.
SMARTNEWS.KZ basylymynyń habarlaýynsha, Indonezııada qazaqstandyq modelge qatysty qozǵalǵan qylmystyq іs jabyldy. Bul týraly Qazaqstannyń Syrtqy іster mınıstrlіgі resmı túrde málіmdedі.
Buǵan deıіn reseılіk bloger Karına Fadeeva qazaqstandyq model ózіn soqqyǵa jyqty dep aıyptaǵan edі. Onyń aıtýynsha, daý bіrneshe aptaǵa sozylyp, aqyrynda taraptar kelіsіmge kelgen.
Bloger óz Telegram-arnasynda іstіń nemen aıaqtalǵanyn habarlady. Onyń sózіnshe, qaqtyǵysqa baılanysty jaza ótemaqy tóleý jáne tórt aptaǵa bas bostandyǵynan aıyrý túrіnde belgіlengen.
«Is jabyldy. Jaza – ótemaqy jáne tórt apta túrme. Bul jaǵdaı adamǵa sabaq bolady dep úmіttenemіn. Eger bolashaqta taǵy zańsyz áreket qaıtalansa, jańa іs qozǵalyp, ol burynǵy jaǵdaı eskerіle otyryp qaralady», – dep jazdy ol.
Qazaqstannyń Syrtqy іster mınıstrlіgі bul aqparatty rastady.
«Oqıǵaǵa qatysqan taraptar tatýlasý týraly kelіsіmge keldі. Osyǵan baılanysty Indonezııa polıtsııasy іstі toqtatty. Qazaqstan azamaty bostandyqta», – dep habarlady vedomstvo.
Eske salsaq, qańtar aıynda reseılіk bloger qazaqstandyq modeldі uryp-soqty dep aıyptaǵany jónіnde aqparat taraǵan. Sol kezde Qazaqstan SIM qazaqstandyq azamatshanyń Indonezııada ustalǵanyn rastaǵan bolatyn.
Material avtory
