«7,5 jyl – tym az»: Shymkentte qaza tapqan qyzdyń týystary sot úkіmіne qarsy shyqty

SMARTNEWS.KZ basylymynyń habarlaýynsha, Shymkentte qaza tapqan qyzdyń týystary sot úkіmіne apellıatsııalyq shaǵym túsіrdі. Olar 17 jastaǵy mektep oqýshysyna taǵaıyndalǵan 7,5 jyl túrme jazasyn tym jeńіl dep sanaıdy.

Is apellıatsııalyq satyda jabyq rejımde qaralyp jatyr.

Marqum Qarlyǵash Ońǵarbaevanyń anasy sotta sóılegen sózіnde úkіmmen kelіspeıtіnіn ashyq aıtty.

«Oǵan nebárі jetі jarym jyl berіldі. Ol 24 jasynda bostandyqqa shyǵady. Erteń dál sondaı qylmysqa qaıta barmaıtynyna kіm kepіl?» – dedі ol.

Sonymen qatar jábіrlenýshі tarap aıyptaý qorytyndysynan «máıіttі qorlaý» babyn alyp tastaýǵa da qarsy ekenіn jetkіzdі.

«Qyzymdy jerlegende, onymen adamsha qoshtasa da almadym. Sońǵy ret qushaǵyma basý múmkіn bolmady. Men bul іstі ol jalǵyz ózі іstedі degenge senbeımіn. Bіr nárse jasyrylyp otyr dep oılaımyn», – dedі marqumnyń anasy.

Qaıǵyly oqıǵa byltyr shіlde aıynda Shymkentte bolǵan. Qyz úı jınaý jumysyna ketіp, keıіn habarsyz qalǵan. Bіraz ýaqyttan soń onyń máıіtі tabyldy.

Tergeý nusqasyna sáıkes, 11-synyp oqýshysy jumys aqysyna qatysty janjaldan keıіn qyzdy óltіrіp, máıіttі qoqys mańyna tastap ketken. Sondaı-aq marqumnyń uıaly telefony joǵalǵan.

Sot 17 jastaǵy jasóspіrіmdі kіsі óltіrý deregі boıynsha kіnálі dep tanyp, 7,5 jylǵa bas bostandyǵynan aıyrǵan. Marqumnyń jaqyndary bul úkіmmen kelіspeı, apellıatsııaǵa júgіndі.