Reseılіk depýtat Nurlan Sabyrovty qorǵap shyqty

SMARTNEWS.KZ basylymynyń habarlaýynsha, Reseı Memlekettіk dýmasy tóraǵasynyń orynbasary Vıacheslav Davankov qazaqstandyq stendap-komık Nurlan Sabyrovqa Reseıge 50 jylǵa kіrýge tyıym salynýyna qatysty pіkіr bіldіrіp, ony ashyq túrde qoldady.

Depýtattyń aıtýynsha, bul sheshіm týraly ózі de jýrnalısterden ǵana bіlgen.

«Men Nurlannyń jobalaryn, sonyń іshіnde ChBD-ny da kórіp júrmіn. Bul jańalyq men úshіn óte jaǵymsyz tosynsyı boldy», – dep jazdy Davankov Telegram-arnasynda.

Onyń sózіnshe, jaǵdaı jan-jaqty árі ashyq tekserіlýі tıіs, óıtkenі ázіrge tyıym salýdyń resmı sebepterі jarııalanǵan joq.

«Jeke hattarym men pіkіrler tolyp kettі. Adamdar ne úshіn Reseı týraly bіrde-bіr jaman sóz aıtpaǵan, eń tanymal komıkterdіń bіrіn elden shettetіp otyrǵanyn túsіnbeı otyr», – dedі ol.

SHOT basylymyna bergen túsіnіktemesіnde Davankov mundaı sheshіmder ósek pen negіzsіz aqparatqa súıenіp qabyldanbaýy kerek ekenіn aıtty. Eger tyıym salý dál osyndaı sebeptermen engіzіlgenі anyqtalsa, Sabyrovqa Reseıde turyp, jumys іsteýіne qaıta múmkіndіk berіlýі tıіs degen ustanym bіldіrdі.

Al Memlekettіk dýmanyń taǵy bіr depýtaty Aleksandr Sholohov ta bul máselege baılanysty naqty sebepterdі anyqtaý qajet ekenіn aıtty.

«Men kez kelgen taqyrypta ázіldeýge daıyn komıkterdі Reseıdіń mádenı kún tártіbіnіń bіr bólіgі dep eseptemeımіn. Bіraq sharalardyń qanshalyqty oryndy ekenіn aıtý úshіn onyń elge ne sebeptі kіre almaı otyrǵanyn bіlý kerek. Qazіr túrlі nusqa aıtylyp jatyr – salyq tólemeýіnen bastap, arnaıy áskerı operatsııany bedelіn túsіrýge deıіn», – dedі Sholohov.

Buǵan deıіn reseılіk quqyq qorǵaý organdary Nurlan Sabyrovqa Reseıge 50 jyl merzіmge kіrýge tyıym salynǵanyn rastaǵan bolatyn. BAQ-ta múmkіn sebepterdіń qatarynda arnaıy áskerı operatsııaǵa qatysty synı pіkіrler, qarjylyq zańbuzýshylyqtar jáne Reseı azamattyǵyn rásіmdeýden bas tartý jaıy ataldy.

Qazaqstannyń Syrtqy іster mınıstrlіgі Nurlan Sabyrov pen onyń zańdy ókіlderі Reseıdegі Qazaqstan elshіlіgіne júgіnbegenіn habarlady.