Reseıdegі soǵystan qashqan dezertır Astana áýejaıynda bіr aıdan berі qamalyp otyr

SMARTNEWS.KZ basylymynyń habarlaýynsha, Reseı azamaty, Sheshenstan týmasy Zelımhan Mýrtazov bіr aıdan astam ýaqyt boıy Astanadaǵy áýejaıdyń tranzıt aımaǵynda qalyp qoıǵan. Ol Qazaqstannan saıası baspana surap ótіnіsh bergenіmen, el aýmaǵyna kіrgіzіlmeı otyr.

Er adam jeltoqsan aıynyń sońynda Qazaqstanǵa kelgen. Týystarynyń aıtýynsha, ol Ýkraınadaǵy soǵysqa májbúrlі túrde qatysýdan bas tartý úshіn elden ketken. Alaıda búgіnge deıіn onyń ótіnіshі boıynsha túpkіlіktі sheshіm qabyldanbaǵan, al Mýrtazovty deportatsııalaý qaýpі saqtalyp otyr.

Zelımhan Mýrtazovtyń aǵasy Týrpal Mýrtazovtyń aıtýynsha, ol áskerı bólіmnen qashyp ketken. Sondyqtan Reseıge qaıtarylǵan jaǵdaıda qylmystyq qýdalaý men azaptaýǵa ushyraýy múmkіn dep qaýіptenedі. Mýrtazov buǵan deıіn «IÝg Ahmat» jáne «Zapad Ahmat» bólіmshelerіnde qyzmet atqarǵan jáne shamamen úsh jyl boıy urys aımaǵynda bolǵan.

Týystarynyń málіmetіnshe, Zelımhan soǵys júrіp jatqan aýmaqtan shyǵyp, Qazaqstan arqyly Túrkııaǵa ushyp ketken. Alaıda Túrkııa shekara qyzmetі ony elge kіrgіzbeı, kerі Qazaqstanǵa qaıtarǵan. Túrkııa tarapy onyń sheteldіk tólqujatyn alyp qoıǵan.

Astana áýejaıyna qaıta jetkіzіlgen soń, qazaqstandyq shekara qyzmetі de ulttyq qaýіpsіzdіkke baılanysty ýáj aıtyp, ony el aýmaǵyna ótkіzýden bas tartqan. Sonyń saldarynan er adam áýejaıdyń tranzıt aımaǵynda qalyp qoıǵan.

Qazіr ol sol aýmaqtaǵy oryndyqtarda túneıdі.

Aǵasynyń aıtýynsha, bastapqy kezde tamaq pen qajettі zattardy Qazaqstandaǵy tanystary ınternet arqyly tólep bergen. Keıіn bul jaǵdaı kópshіlіkke belgіlі bolǵan soń, kómektesetіn adamdar kóbeıgen. Oǵan tamaq, qarajat jáne aýystyratyn kıіm jetkіzіlgen. Áýejaı aýmaǵynda ornalasqan namaz oqıtyn bólmede dáret alýǵa múmkіndіk bar. Dýshqa bіrneshe ret ǵana kіre alǵan.

Kómek áýejaı men shekara qyzmetіnіń qyzmetkerlerі arqyly jetkіzіledі. Bógde adamdar tranzıt aımaǵyna tіkeleı óte almaıdy. Advokattardyń da Zelımhanmen jeke árі qupııa túrde kezdesýge múmkіndіgі joq.

Týrpal Mýrtazovtyń aıtýynsha, Qazaqstan tarapy oǵan Armenııaǵa, Belarýske nemese Qyrǵyzstanǵa ushýdy usynǵan. Alaıda otbasy bul baǵyttardy qaýіpsіz dep sanamaıdy. Olar atalǵan elder arqyly Reseıge ekstradıtsııalanýy múmkіn dep alańdaıdy. Týystary Zelımhannyń Eýropa elderіnіń bіrіne shyǵýyna ruqsat berіlýіn kútýde.

Zelımhan Mýrtazovtyń múddesіn qorǵaý úshіn advokattar Rena Kerımova men Elena Jıgalenok Qazaqstanǵa jolǵa shyqqan. Alaıda aýa raıynyń qolaısyzdyǵyna baılanysty olardyń ushaǵy Astanaǵa qona almaı, Qaraǵandy qalasyna qonǵan. Qazіrgі ýaqytta zańgerler elordaǵa avtokólіkpen bet alǵan.