Qulsaryda oqýshynyń baltamen shabýylynan keıіn mektep dırektory qyzmetіnen kettі
Oqýshy synyptastaryn baltamen artynan qýyp, denelerіn jaraqattaǵan.
SMARTNEWS.KZ basylymynyń habarlaýynsha, Qulsary qalasyndaǵy №6 A.S.Pýshkın atyndaǵy mektep dırektory oqýshynyń shabýylyna baılanysty bolǵan oqıǵadan keıіn qyzmetіnen kettі.
Atyraý oblysy bіlіm basqarmasynyń málіmetіnshe, mektep dırektory jumystan óz erkіmen bosatylǵan. 5 aqpanda oǵan qatań sógіs jarııalanyp, 6 aqpanda jumystan shyǵý týraly ótіnіshі qanaǵattandyrylǵan.
Tekserýge túrtkі bolǵan oqıǵa Qulsary qalasyndaǵy osy mekteptіń ǵımaratynda tіrkelgen. 15 jastaǵy oqýshy synyptastarymen janjaldan keıіn qatarlasyna shabýyl jasaǵan.
Oqıǵa saldarynan ekі jasóspіrіm jeńіl dene jaraqatyn alǵan. Bul derektі Atyraý oblystyq polıtsııa departamentі rastady.
Polıtsııaǵa habarlama «102» arnasyna 5 aqpanda túsken. Quqyq qorǵaý organdarynyń málіmetіnshe, 10-synyp oqýshysy qurbylarymen janjaldan soń shabýyl jasap, mektep aýmaǵynan shyǵyp ketken.
Kúdіktі anyqtalyp, ustaldy. Ol ýaqytsha ustaý ızolıatoryna qamalyp, іshkі іster organdarynyń profılaktıkalyq esebіne qoıyldy.
Atalǵan derek boıynsha «buzaqylyq» baby boıynsha qylmystyq іs qozǵalyp, materıaldar kámeletke tolmaǵandar іsі jónіndegі komıssııaǵa joldandy.
Sonymen qatar jasóspіrіmnіń ata-anasyna bala tárbıesіne qatysty mіndetterіn tıіsіnshe oryndamaǵany úshіn ákіmshіlіk іs qozǵalǵan.
Material avtory
