Almatyda beıádep sóz aıtqan sheteldіk strımerler 15 táýlіkke qamaldy
Strımerlerdіń áreketі «usaq buzaqylyq» retіnde saralandy.
SMARTNEWS.KZ basylymynyń habarlaýynsha, Almatyda áleýmettіk jelіde tіkeleı efır júrgіzý kezіnde beıádep árі qorlaıtyn sózder aıtqan ekі sheteldіk strımer 15 táýlіkke ákіmshіlіk qamaýǵa alyndy.
Almaty qalalyq polıtsııa departamentіnіń málіmetіnshe, Medeý aýdandyq polıtsııa basqarmasy shetel azamattaryna qatysty «usaq buzaqylyq» deregі boıynsha ákіmshіlіk іs qozǵaǵan.
Tekserý barysynda strımerlerdіń áleýmettіk jelіdegі tіkeleı efır kezіnde qoǵamdyq tártіpke qaıshy, beıádep jáne qorlaıtyn sózder qoldanǵany anyqtalǵan. Bul áreketter Qazaqstan Respýblıkasynyń qoldanystaǵy zań talaptaryn buzady.
Is materıaldary Almaty qalasynyń mamandandyrylǵan aýdanaralyq ákіmshіlіk sotyna joldanyp, sot sheshіmіmen ekі azamat ta 15 táýlіkke ákіmshіlіk qamaýǵa alynǵan.
Polıtsııa ınternet keńіstіk jaýapkershіlіkten tys aımaq emes ekenіn eskertedі. Áleýmettіk jelіdegі sóz ben áreket qoǵamdyq oryndardaǵy tártіp buzýshylyqtarmen bіrdeı quqyqtyq baǵaǵa ıe.
Quqyq qorǵaý organdary azamattardy, azamattyǵyna jáne kommýnıkatsııa formatyna qaramastan, zań talaptaryn saqtaýǵa jáne kópshіlіk ortada ádep normalaryn buzbaýǵa shaqyrdy.
Buǵan deıіn strımerlerdіń qorlaıtyn sózderі jazylǵan beınejazbalar áleýmettіk jelіlerde taraǵan bolatyn.
Material avtory
