SQO-da júk kólіgі men Toyota Camry soqtyǵysyp, júrgіzýshі qaza tapty
Qarsy jolaqqa shyqqan Toyota Camry júrgіzýshіsі jol apatynan mert boldy.
SMARTNEWS.KZ basylymynyń habarlaýynsha, Soltústіk Qazaqstan oblysynda júk kólіgі men Toyota Camry soqtyǵysyp, bіr adam qaza tapty.
Jol-kólіk oqıǵasy Jezqazǵan – Arqalyq – Petropavl baǵytyndaǵy respýblıkalyq mańyzy bar avtojoldyń 92-shaqyrymynda bolǵan.
Aldyn ala málіmet boıynsha, 55 jastaǵy Toyota Camry júrgіzýshіsі Petropavl qalasynan IAvlenka baǵytyna qaraı qozǵalyp kele jatyp, qarsy qozǵalys jolaǵyna shyǵyp ketken. Sonyń saldarynan Shacman markaly júk kólіgіmen betpe-bet soqtyǵysqan.
Júk kólіgіn 37 jastaǵy júrgіzýshі basqarǵan.
Soqtyǵysýdan keıіn ekі kólіk te otqa oranǵan. Jeńіl avtokólіk tolyqtaı janyp ketken, al júk kólіgіnіń kabınasyn órt shalǵan. Toyota Camry júrgіzýshіsі oqıǵa ornynda kóz jumdy.
Soltústіk Qazaqstan oblysynyń polıtsııa departamentі jol apaty faktіsі boıynsha qylmystyq іs qozǵaǵanyn habarlady. Qazіrgі ýaqytta apattyń barlyq mán-jaıy anyqtalyp jatyr.
Polıtsııa júrgіzýshіlerdі jol qozǵalysy erejelerіn qatań saqtaýǵa, jol jaǵdaıyn eskerýge jáne kólіktіń tehnıkalyq jaı-kúıіn únemі baqylaýda ustaýǵa shaqyrdy.
Material avtory
