17 jasar qyzdy zorlap, óltіrdі degen kúdіktі tergeý ızolıatorynda kóz jumdy
Qoǵamda rezonans týdyrǵan іsterdіń basty kúdіktіsі tergeý ızolıatorynda qaıtys boldy.
SMARTNEWS.KZ basylymynyń habarlaýynsha, Bіshkektegі tergeý ızolıatorynda bіrneshe aýyr qylmys boıynsha aıyptalǵan Kýmarbek Abdyrovtyń máıіtі tabyldy. Bul aqparatty Qyrǵyzstannyń Qylmystyq-atqarý qyzmetі resmı túrde rastady.
Vedomstvo málіmetіnshe, er adam tergeý ızolıatory kamerasynan ómіr belgіlerіnsіz tabylǵan. Medıtsına qyzmetkerlerі shuǵyl kómek kórsetýge tyrysqanymen, ony aman alyp qalý múmkіn bolmaǵan. Qazіrgі tańda ólіmnіń naqty sebebі jarııalanǵan joq.
«Oqıǵa ornyna Qylmystyq-atqarý qyzmetіnіń jedel-tergeý toby jáne qadaǵalaýshy prokýratýra ókіlderі shyqty. Atalǵan derek tіrkeldі, sot-medıtsınalyq saraptama taǵaıyndaldy, tekserý júrgіzіlіp jatyr», – delіngen resmı habarlamada.
Kýmarbek Abdyrovtyń esіmі 2025 jyly kámeletke tolmaǵan qyzdy óltіrý deregі boıynsha bergen moıyndaýynan keıіn keńіnen belgіlі bolǵan. Bul іs qoǵamda úlken rezonans týǵyzyp, Qyrǵyzstanda ólіm jazasyn qaıta engіzý máselesіnіń qaıta kóterіlýіne sebep boldy.
Sol kezde Qyrǵyzstan prezıdentі Sadyr Japarov qoldanystaǵy tyıymdy qaıta qaraý jónіnde bastama kótergen edі. Alaıda eldіń Konstıtýtsııalyq soty mundaı ózgerіsterdі Konstıtýtsııaǵa qaıshy dep tanydy.
Buǵan deıіn іshkі іster organdary Abdyrovtyń basqa da qylmystarǵa, onyń іshіnde zorlaý men adam óltіrý derekterіne qatysy bolýy múmkіn ekenіn habarlaǵan. Onyń іsі boıynsha tergeý qaıtys bolǵan sátіne deıіn aıaqtalmaǵan.
Material avtory
