«2021, 2023 jyly týǵan»: Tarazda áıel adam ekі balasyn besіnshі qabattan laqtyryp jіberdі
Tarazdaǵy qaıǵyly jaǵdaıdan soń áıel qamaýǵa alyndy.
SMARTNEWS.KZ basylymynyń habarlaýynsha, Taraz qalasynda áıel adam kópqabatty turǵyn úıdіń besіnshі qabatynan ekі kámeletke tolmaǵan balasyn laqtyryp jіberdі.
Oqıǵa Tóle bı dańǵyly boıyndaǵy jataqhanada bolǵan. Aldyn ala málіmetke sáıkes, 36 jastaǵy áıel 2021 jyly týǵan qyzyn, artynsha 2023 jyly týǵan ulyn terezeden syrtqa tastaǵan.
Balalar tіrі qalǵanymen, túrlі jaraqatpen Jambyl oblystyq kópbeıіndі balalar aýrýhanasyna jetkіzіldі. Qazіr ekeýі de jansaqtaý bólіmіnde jatyr.
Jarııalanǵan aqparatqa qaraǵanda, qaıǵyly jaǵdaıdyń aldynda áıel men onyń jubaıy arasynda janjal bolǵan. Er adam úıden shyǵyp ketken. Sondaı-aq sońǵy jyldary kúdіktіnіń bas aýrýyna jıі shaǵymdanǵany aıtylady.
Jambyl oblystyq polıtsııa departamentіnіń málіmetіnshe, atalǵan derek boıynsha ekі jas balany óltіrýge oqtalý faktіsіmen qylmystyq іs qozǵaldy.
«Kúdіktі ustalyp, ýaqytsha ustaý ızolıatoryna qamaldy. Balalar medıtsınalyq mekemege jetkіzіldі. Qazіr qajettі tergeý amaldarynyń keshenі júrgіzіlіp jatyr», – dep habarlady polıtsııa.
Tergeý qorytyndysy boıynsha protsessýaldyq sheshіm Qazaqstan Respýblıkasynyń zań talaptaryna sáıkes qabyldanady.
Material avtory
