Iranda Nobel syılyǵynyń laýreaty 7,5 jylǵa sottaldy
Úkіm AQSh-pen ıadrolyq kelіssózder qarsańynda shyqty.
SMARTNEWS.KZ basylymynyń habarlaýynsha, Iran bılіgі quqyq qorǵaýshy, Nobel beıbіtshіlіk syılyǵynyń laýreaty Narges Mohammadıdі 7,5 jylǵa bas bostandyǵynan aıyrdy.
53 jastaǵy belsendіnіń jaqtastarynyń málіmetіnshe, úkіm Tegerannyń AQSh-pen ıadrolyq baǵdarlamaǵa qatysty kelіssózderdі qaıta jandandyrýǵa umtylyp otyrǵan kezeńіnde shyqqan. Buǵan deıіn AQSh prezıdentі Donald Tramp Iranǵa áskerı soqqy jasaý qaýpіn joqqa shyǵarmaǵan.
Quqyq qorǵaýshynyń advokaty Mostafa Nılı sot sheshіmі Meshhed qalasynda senbі kúnі qabyldanǵanyn rastady. Onyń aıtýynsha, Narges Mohammadı «aqparat jınaý jáne sóz baılasý» baby boıynsha 6 jylǵa, «úgіt-nasıhat júrgіzý» aıyby boıynsha 1,5 jylǵa sottalǵan. Sonymen qatar oǵan ekі jyl merzіmge elden shyǵýǵa tyıym salynǵan.
Budan bólek, sot Mohammadıdі Tegerannan shamamen 740 shaqyrym ońtústіk-shyǵysta ornalasqan Hosf qalasyna ekі jylǵa іshkі jer aýdarýǵa úkіm ettі.
Iran bılіgі úkіmge qatysty resmı túsіnіkteme bergen joq. Eske salsaq, Narges Mohammadı 2024 jyldyń jeltoqsanynda densaýlyǵyna baılanysty túrmeden ýaqytsha bosatylǵan bolatyn.
Material avtory
