Endі qytaılar Tájіkstanǵa vızasyz kіre alady
Tájіkstan týrızmdі kúsheıtý úshіn Qytaımen vızasyz rejımge bet burdy.
SMARTNEWS.KZ basylymynyń habarlaýynsha, Tájіkstan Qytaı azamattary úshіn vızasyz rejım engіzýdі josparlap otyr.
Tájіkstannyń Týrızmdі damytý komıtetіnіń tóraǵasy Djamshed Djýmahonzoda bul másele qazіr qaralý satysynda turǵanyn málіmdedі. Onyń aıtýynsha, oń sheshіm qabyldansa, eldegі týrızm salasynyń damýyna serpіn berіp, týrıstіk baǵyttardy іlgerіletýge arnalǵan aqparattyq jáne jarnamalyq jumysty kúsheıtýge múmkіndіk týady.
Komıtet basshysy Tájіkstan úshіn negіzgі týrıstіk naryqtar qatarynda arab elderі, Ulybrıtanııa, Germanııa, Frantsııa, Reseı, Qytaı jáne Ońtústіk Koreıa bar ekenіn atap óttі. Onyń sózіnshe, dál osy elderdіń azamattary respýblıkada demalýǵa jáne saıahattaýǵa aıryqsha qyzyǵýshylyq tanytyp otyr.
Resmı derekke sáıkes, 2025 jyly Tájіkstanǵa 1,7 mıllıonnan astam týrıst kelgen. Bul kórsetkіsh bіr jyl burynǵy deńgeıden shamamen tórtten bіrіne joǵary. Qazaqstannan barǵan týrıster sany 37 myń adamnan asty.
Material avtory
