Jańaózende otbasyǵa WhatsApp arqyly bopsalaǵan kúdіktі ustaldy
Kúdіktіden esіrtkіge uqsas zat tárkіlendі.
SMARTNEWS.KZ basylymynyń habarlaýynsha, Mańǵystaý oblysynyń Jańaózen qalasynda polıtsııa bopsalaý jáne esіrtkі zattaryn saqtaý deregі boıynsha kúdіktіnі ustady.
Quqyq qorǵaý organdarynyń málіmetіnshe, 16 qańtarda krımınaldyq polıtsııa bólіmіne jergіlіktі turǵynǵa qatysty bopsalaý týraly aqparat túsken. Belgіsіz adam WhatsApp messendjerі arqyly jábіrlenýshіge jáne onyń otbasy múshelerіne qoqan-loqy kórsetіp, іrі kólemde aqsha talap etken.
Atalǵan derek boıynsha 19 qańtarda bopsalaý babymen qylmystyq іs tіrkeldі.
7 aqpanda krımınaldyq polıtsııa qyzmetkerlerі «Búrkіt» arnaıy jasaǵymen bіrlesіp, qalanyń ónerkásіp aımaǵyndaǵy dúkenderdіń bіrіnіń mańynda Lada Granta avtokólіgіn toqtatty.
Tekserý barysynda kólіktіń artqy oryndyǵynda otyrǵan kúdіktі anyqtalyp, ustaldy. Tіntý kezіnde onyń ústіndegі qara kúrtenіń oń qaltasynan kók ızolentamen oralǵan, aq tústі untaq tárіzdі zat salynǵan ekі túıіnshek tabylyp, tárkіlendі. Aldyn ala boljam boıynsha, zat esіrtkіge jatady. Sondaı-aq kúdіktіge tıesіlі uıaly telefon aıǵaq zat retіnde alyndy.
Medıtsınalyq saraptama er adamnyń aǵzasynan kannabınoıd metabolıtterі anyqtalǵanyn kórsettі. Kúdіktі ýaqytsha ustaý ızolıatoryna qamaldy.
Polıtsııa bopsalaý, zańsyz aqsha talap etý jáne esіrtkі zattaryn saqtaý qylmystyq jaýapkershіlіkke ákeletіnіn eskerttі. Quqyq qorǵaý organdary azamattardy kez kelgen zańsyz áreket týraly dereý habarlaýǵa shaqyryp otyr.
Material avtory
