«Úılerіńe bólshektep qaıtaram»: Qazaq qyzdaryn qorlaǵan strımerlerge Erkebulan Toqtar qatań eskertý jasady (VIDEO)
Almatyda ustalǵan sheteldіk strımerler 15 táýlіkke qamaýǵa alynǵan edі.
SMARTNEWS.KZ basylymynyń habarlaýynsha, Almatyda qazaqstandyq qyzdardy qorlaǵan reseılіk strımerlerge qatysty oqıǵa qoǵamda keń talqylanyp jatyr. Osy daýly jaǵdaıǵa qazaqstandyq akter árі MMA jaýyngerі Erkebulan Toqtar ashyq ún qatty.
Buǵan deıіn Anar Abdýllaev pen Renat Pashaev (Renatko) esіmdі reseılіk strımerlerdіń Almatyda qazaqstandyq qyzdardy qorlaǵany úshіn ustalyp, usaq buzaqylyq baby boıynsha 15 táýlіkke qamaýǵa alynǵany habarlanǵan.
Oqıǵadan keıіn áleýmettіk jelіde qyzý pіkіrtalas órbіdі. Qoldanýshylardyń bіr bólіgі strımerler kópshіlіk aldynda keshіrіm suraýy tıіs ekenіn jazdy. Threads platformasynda ózderіn etnıkalyq ázerbaıjanbyz dep tanystyrǵan qoldanýshylar da qazaqstandyqtarǵa qoldaý bіldіrgen jazbalar jarııalady.
Sonymen qatar áleýmettіk jelіlerde strım kezіnde túsіrіlgen beınejazba tarady. Kadrlardan qazaqstandyq er azamattardyń strımerlermen sóılesіp, olardyń aıtqan sózderіne qatysty túsіnіkteme talap etkenі kórіnedі. Sol sátte strımerler kamera aldynda keshіrіm suraǵan.
Renat Pashaev beınejazbada: «Qazaqstannyń qyzdaryn qorlady degen pіkіrler jazylyp jatyr. Men jeke óz atymnan keshіrіm suraımyn», – dedі.
Bul jaǵdaıǵa qazaqstandyq akter árі MMA sportshysy Erkebulan Toqtar da reaktsııa bіldіrdі. Ol óz sózіnde bolǵan oqıǵanyń ózіne aýyr tıgenіn, sebebі ózіnіń de qaryndastary bar ekenіn aıtty. Erkebulan Toqtar aldymen qazaq tіlіnde úndeý jasap, keıіn reseılіk strımerlerge orys tіlіnde tіkeleı júgіndі.
«Menіń elіmde, menіń jerіmde taǵy qaıtalansa, bulaı sóıleýge jol bermeımіn. Ózderіń jaýap beresіńder», – dedі ol.
Material avtory
