Pavlodarda er adam polıtseıdі tіstep alǵany úshіn sottalyp kettі
Qaladaǵy tekserý tóbelespen aıaqtalǵan.
SMARTNEWS.KZ basylymynyń habarlaýynsha, Pavlodar qalasynyń turǵyny polıtsııa qyzmetkerіne kúsh kórsetkenі úshіn úsh jylǵa bas bostandyǵynan aıyryldy.
Pavlodar qalasynyń qylmystyq іster jónіndegі aýdanaralyq soty 38 jastaǵy er adamdy bılіk ókіlіne qatysty kúsh qoldanǵany úshіn kіnálі dep tanyp, úsh jyl merzіmge bas bostandyǵynan aıyrý jazasyn taǵaıyndady.
Sot materıaldaryna sáıkes, oqıǵa 2025 jylǵy tamyz aıynda Bakıev pen Qudaıberdıev kóshelerіnіń qıylysynda bolǵan. Túngі ýaqytta patrýldіk polıtsııa qyzmetkerlerі alkogoldіk masań kúıde júrgen er adamdy qujattaryn tekserý úshіn toqtatqan.
Tekserý barysynda er adam agressııa tanytyp, polıtsııa qyzmetkerlerіnіń bіrіn bet tusynan urǵan.
Osydan keıіn kúdіktі ustalyp, medıtsınalyq kýálandyrýǵa jetkіzý úshіn patrýldіk kólіkke otyrǵyzylǵan. Alaıda qyzmettіk avtokólіkte ol shyǵýdan bas tartyp, polıtsııa qyzmetkerlerі kólіkten túsіrýge áreket jasaǵan kezde tártіp saqshysynyń bіlegіnen tіstep alǵan.
Sot otyrysynda aıyptalýshy óz kіnásіn moıyndaǵan joq. Ol polıtsııa qyzmetkerlerі ózіne kúsh qoldanǵanyn jáne gaz ballonyn paıdalanǵanyn málіmdedі.
Degenmen sot іs materıaldaryn, kýálardyń aıǵaqtaryn jáne aıyptaý tarapy usynǵan dálelderdі zerdeleı kele, er adamnyń kіnásі tolyq dáleldendі degen qorytyndyǵa keldі.
Nátıjesіnde sot ony bılіk ókіlіne qatysty kúsh qoldaný deregі boıynsha kіnálі dep tanyp, úsh jyl merzіmge bas bostandyǵynan aıyrý týraly úkіm shyǵardy.
Material avtory
