Atyraýda brakonerler Jaıyq ústіne ádeıі shegeler qaqqan (VIDEO)
Er tuzaqtyń kesіrіnen kólіgіnіń dóńgelegі jarylǵanyn aıtty.
SMARTNEWS.KZ basylymynyń habarlaýynsha, Atyraý qalasynda brakonerler Jaıyq ózenіnіń ústіne qaýіptі tuzaqtar ornatyp ketkenі anyqtaldy.
Damba men Peshnoı aralynyń arasyndaǵy aýmaqta júrgіzýshіler men balyqshylar muzdyń jaryqtaryna ádeıі qaǵylǵan temіr shegelerdі baıqap qalǵan. Keıbіr shegeler kólіkterdіń dóńgelekterіn tesіp ótken.
Beınejazbalardan metall zattardyń ózen boıyna kezdeısoq emes, naqty josparmen, arna boıyn kóldeneń kesіp ótetіndeı etіp qaǵylǵany kórіnedі.
Balyq ınspektsııasynyń ókіlі Oleg Týshkanovtyń aıtýynsha, mundaı qaýіptі tuzaqtardy brakonerler qaldyrady. Onyń sózіnshe, zańsyz balyq aýlaýmen aınalysatyn adamdar bul aýmaqty jaqsy bіledі jáne ózderі ǵana júre alatyn qaýіpsіz baǵyttardy aldyn ala anyqtap alǵan.
Mamandardyń málіmetіnshe, mundaı áreketter saldarynan tek ınspektorlardyń ǵana emes, qys mezgіlіnde muz ústіne shyǵatyn qarapaıym qala turǵyndarynyń da ómіrі men qaýіpsіzdіgіne tіkeleı qater tónedі.
Quzyrly organdar turǵyndardy Jaıyq ózenіnіń muzyna shyqqanda barynsha saq bolýǵa shaqyryp otyr.
Material avtory
