«Tórteýі shaqyryp alǵan»: Qulsarydaǵy mektepte balta ustaǵan oqýshynyń anasy óz nusqasyn aıtty

SMARTNEWS.KZ basylymynyń habarlaýynsha, Qulsarydaǵy mektepte bolǵan rezonansty oqıǵaǵa qatysty oqýshynyń anasy óz nusqasyn aıtty. Anasynyń aıtýynsha, sol kúnі balasy sabaqty tynysh ótіp otyrǵan. Sabaq ústіnde ony ózge synypta oqıtyn tórt jasóspіrіm dárethanaǵa shaqyryp alyp ketken.

Áıeldіń sózіnshe, ol jerde álgі balalar balamen «esep aıyryspaq» bolǵan. Tórt oqýshynyń ortasynda jalǵyz qalǵan jasóspіrіm qorqyp, ózіn qorǵaý maqsatynda balta taýyp alǵan. Osydan keıіn ǵana oqıǵa órbіgen.

Anasy balasynyń buǵan deıіn de qysym kórіp júrgenіn aıtady. Onyń sózіnshe, uly ótken jyldyń kúzіnde-aq qatarlastary tarapynan turaqty álіmjettіkke ushyrap júrgenіn aıtyp, basqa mektepke aýystyrýdy suraǵan. Alaıda ata-anasy sońǵy oqý jylyn osy mektepte aıaqtaýǵa úgіttegen. Sol kezde jasóspіrіm «eger osynda qalsam, bіrdeńe bolyp ketýі múmkіn» dep eskertken.

Soǵan qaramastan, otbasy tórt oqýshyǵa qatysty aryz jazbaǵan. Anasy taraptardyń tatýlasýyna úmіttenetіnіn aıtyp, basty másele – býllıng ekenіn jetkіzdі. Onyń aıtýynsha, mektep oqýshylary arasynda «terpıla» degen sózdіń keń taralýy balalardyń shaǵymdanýdan jáne kómek suraýdan qorqýyna ákelіp otyr.

Sondaı-aq ol mektep dırektoryn jazalamaýdy surady. Áıeldіń sózіnshe, oqıǵaǵa mektep ákіmshіlіgіnіń qatysy joq. Anasy ulynyń eshkіmdі arandatpaǵanyn, ortasha oqıtynyn jáne mіnezdemelerі tek oń ekenіn aıtty.

Buǵan deıіn áleýmettіk jelіde Qulsarydaǵy mektep dálіzіnde balta ustaǵan oqýshynyń basqa balalardy qýyp júrgen sátі túsіrіlgen vıdeo taraǵan edі. Polıtsııa málіmetіnshe, oqıǵa saldarynan ekі oqýshy jeńіl jaraqat alǵan. Atalǵan derek boıynsha «buzaqylyq» baby boıynsha qylmystyq іs qozǵaldy.

Mektep dırektory bolǵan jaǵdaıdan keıіn óz erkіmen qyzmetіnen ketken.

Atyraý oblysyndaǵy jaǵdaıǵa Oqý-aǵartý mınıstrі Juldyz Súleımenova pіkіr bіldіrdі. Qazіrgі ýaqytta jasóspіrіm úıqamaqqa alynǵan, alaıda oǵan sabaqqa barýǵa ruqsat etіlgen.