«Basyma tapansha kezedі»: Olımpıada júldegerі shetelde qysym kórgenіn aıtty (VIDEO)
Sportshy ózіn Imanalıev Nurlan men Muqashev Shyńǵys qorqytyp, jalǵan aqparat aıtýǵa májbúrlegenіn aıtty.
SMARTNEWS.KZ basylymynyń habarlaýynsha, shetelde qysym kórgenіn aıtyp, quqyq qorǵaý organdarynan kómek suraǵan bokstan Olımpıadanyń qola júldegerі Erkebulan Shynalıevtіń málіmdemesіnen keıіn qylmystyq іs qozǵaldy.
Bas prokýratýranyń málіmetіnshe, іs sportshynyń jeke aryzy negіzіnde tіrkelgen.
Erkebulan Shynalıevtіń aıtýynsha, 2025 jyldyń mamyr aıynda Imanalıev Nurlan men Muqashev Shyńǵys ony bapkerlіk qyzmetke shaqyryp, Ystambulǵa barýǵa úgіttegen.
Onyń sózіnshe, elge oralǵannan keıіn Shyńǵys bіrneshe ret habarlasyp, adamdardy uryp-soǵýǵa, qol-aıaǵyn syndyrýǵa qatysty áreketterge qatysýdy usynyp, aqsha berýge ýáde etken. Alaıda sportshy bul usynystan bas tartqan.
2026 jyldyń qańtarynda ony taǵy da Túrkııaǵa shaqyryp, bapkerlіk mansap bastalatynyn aıtyp sendіrgen. Bіraq ýáde oryndalmaǵan.
Shynalıevtіń málіmdeýіnshe, Ystambulǵa barǵan soń ony qala mańyndaǵy tastandy ǵımaratqa aparyp, ózderіn Ulttyq qaýіpsіzdіk komıtetіnіń qyzmetkerі retіnde tanytýǵa májbúrlegen. Odan keıіn qarýmen qorqytyp, jalǵan aqparat aıtýǵa ıtermelegen.
Bul derekterge baılanysty Májіlіs otyrysynda Bas prokýrordyń orynbasary Ǵalymjan Qoıgeldıev qylmystyq іs qozǵalǵanyn rastady.
«Bіr-ekі kún buryn Qylmystyq kodekstіń 125-baby – adam urlaý faktіsі boıynsha qylmystyq іs tіrkeldі. Qazіr іs tergelіp jatyr», – dedі ol.
Ǵalymjan Qoıgeldıevtіń aıtýynsha, kúdіktіlerdі Qazaqstanǵa qaıtarý úshіn Túrkııa tarapyna resmı ótіnіm joldanǵan.
Material avtory
