RUS
«Kıberqylmyskerler men ınternet-alaıaqtar jańa shemalardy ázіrleýdі jalǵastyrýda jáne qarapaıym turǵyndardy aldaýdyń ártúrlі joldaryn tabýda. Osyǵan baılanysty IIM qylmystyń atalǵan túrіne qarsy turýǵa erekshe nazar aýdarady. Polıtsııa tsıfrlyq tehnologııalar salasyndaǵy qylmystarǵa qarsy kúreste, memlekettіk organdarmen ózara baılanys jasaǵanda jáne halyq arasynda quqyqtyq saýattylyqty arttyrýda ózіnіń tıіmdіlіgіn kórsetetіn «CyberPol» pılottyq jobasyn іske qosty», - dedі Shuǵyla Turlybek vedomstvonyń baspasóz qyzmetі alańynda ótken brıfıngte.
Onyń atap ótýіnshe, joba ótken jyldyń jeltoqsan aıynan bastap elordanyń «Esіl» aýdany PB janyndaǵy polıtsııa bólіmіnіń aýmaǵynda іske asyrylyp jatyr.
«Qysqa merzіm іshіnde quramynda bes tergeýshі, bes jedel ýákіl jáne IT-krımınalıst bar «CyberPol» ekpіndі-nysanaly toby 234 ınternet-alaıaqtyqty ásherelep, sotqa 184 qylmystyq іstі joldady. Munda jumys «bіr tereze» qaǵıdaty boıynsha jolǵa qoıylǵan jáne jasalǵan qylmys boıynsha shuǵyl tergeý áreketterіn bіr ýaqytta, bіr jerde tergeýshі, krımınalıst jáne jedel qyzmetker júrgіzedі. Buryn azamattar oǵan kóp ýaqyt joǵaltatyn edі. Endі ýaqyt joǵaltpaıdy. «CyberPol-da» ótіnіshtі qabyldaýdyń jeńіldetіlgen mehanızmі bar. Jábіrlenýshі kelgennen keıіn bіrden ótіnіsh qabyldanady. Sol tergeýshі іstі sońyna deıіn súıemeldeıdі. Adam ýaqytty joǵaltpaıdy jáne árqashan tergeýshіmen baılanysta bolady», - dedі ol.