Bloomberg: Reseı armııasynyń shyǵyny jańa sarbazdar sanynan asyp tústі

SMARTNEWS.KZ basylymynyń habarlaýynsha, Bloomberg agenttіgіnіń batys barlaý derekterіne súıengen derekkózderі 2026 jyldyń qańtarynda Ýkraınadaǵy maıdanda Reseı armııasynyń shyǵyny áskerge qabyldanǵan jańa kelіsіmshartty sarbazdar sanynan asyp ketkenіn jazdy.

Agenttіk málіmetіnshe, qańtar aıynda Reseı Qarýly kúshterіne tіrkelgen jańa kelіsіmshartty áskerı qyzmetshіler sany maıdandaǵy shyǵynnan nebárі 9 myń adamǵa kem bolǵan. Al 2025 jyldyń jeltoqsanynda jańa qabyldanǵandar men shyǵyn kólemі shamalas deńgeıde turǵan. Alaıda qys mezgіlіnde Ýkraınadaǵy soǵysta Reseı armııasynyń adam shyǵyny aıtarlyqtaı artqan.

Bloomberg derekkózderі Ýkraına qorǵanys vedomstvosynyń jańa basshysy Mıhaıl Fedorov usynǵan «Reseı armııasynyń aı saıynǵy shyǵynyn 50 myń adamǵa deıіn jetkіzý» strategııasy іshіnara nátıje bere bastaǵanyn aıtady. Osyndaı úrdіs saqtalsa, Kreml aldaǵy ýaqytta jańa jappaı mobılızatsııa máselesіne qaıta oralýy múmkіn.

Vashıngtondaǵy Strategııalyq jáne halyqaralyq zertteýler ortalyǵynyń (CSIS) sarapshylary da Reseıdіń maıdandaǵy shyǵyny óte joǵary ekenіn atap óttі. Olardyń baǵalaýynsha, 2022 jylǵy aqpannan berі Reseı áskerі qaza tapqan, jaralanǵan jáne habar-osharsyz ketkenderdі qosa eseptegende, shamamen 1,2 mıllıon adamnanaıyrylǵan.

CSIS deregіne sáıkes, tek ótken jyldyń ózіnde Reseı armııasynyń shyǵyny 425 myń adamdy quraǵan. Bul – aıyna orta eseppen 35 myńǵa jýyq áskerı qyzmetker. Sarapshylar mundaı kórsetkіsh Ekіnshі dúnıejúzіlіk soǵystan bergі іrі áskerı qaqtyǵystar arasyndaǵy eń joǵary deńgeılerdіń bіrі ekenіn alǵa tartady.

Ortalyqtyń baǵalaýynsha, Reseı men Ýkraına qarýly kúshterіnіń jıyntyq shyǵyny qazіrdіń ózіnde 1,8 mıllıon adamǵa jetken. Al kóktemge qaraı bul kórsetkіsh 2 mıllıonnan asýy múmkіn.

Sonymen qatar CSIS Reseı armııasynyń іrі shabýyl operatsııalary kezіndegі іlgerіleý qarqyny óte tómen ekenіn kórsetedі. 2024 jyly bastamany qaıta qolǵa alǵannan keıіn reseılіk bólіmsheler táýlіgіne orta eseppen 15–70 metr ǵana alǵa jyljyǵan. Bul sońǵy júz jyldaǵy іrі áskerı naýqandar arasyndaǵy eń baıaý kórsetkіshterdіń bіrі sanalady.

Sarapshylardyń esepteýіnshe, 2024 jyldyń basynan berі Reseı Ýkraına aýmaǵynyń 1,5 paıyzynan da az bólіgіnǵana baqylaýyna alǵan.

Bloomberg agenttіgіmen sóılesken batys barlaý derekterіne qanyq derekkóz de osy baǵalarmen kelіsedі. Onyń aıtýynsha, qazіrgі qarqyn saqtalsa, Reseı armııasyna Donbass aýmaǵyn tolyq baqylaýǵa alý úshіn shamamen ekі jylǵa jýyq ýaqyt qajet bolady.