Sátpaevta er adam qyzdyń jalǵan ıntım-vıdeolaryn taratyp, toıdyń shyrqyn buzdy (VIDEO)

SMARTNEWS.KZ basylymynyń habarlaýynsha, Ulytaý oblysynda kıberqýdalaýǵa qatysty eń uzaq іsterdіń bіrі áshkerelendі. Sátpaev qalasynyń turǵyny bіr qyzdy jáne onyń otbasyn nebárі áleýmettіk jelіdegі hat almasýdan bas tartqany úshіn bes jylǵa jýyq ýaqyt boıy qorqytyp kelgen.

Polıtsııa málіmetіnshe, kúdіktі bіrneshe jalǵan akkaýnt pen anonım paraqshalar arqyly júıelі túrde qysym jasaǵan. Aldymen qorqytý, bopsalaý jáne jalǵan aqparat taratý áreketterі bastalǵan. Keıіn jasandy ıntellekt múmkіndіkterіn paıdalanyp, naqty adamdardyń syrt kelbetіn qoldan jasalǵan ıntım sıpattaǵy foto jáne beınematerıaldarǵa «japsyryp», jalǵan kontent jasaǵan.

Bul feık materıaldar qyzdyń týystaryna, tanystaryna jáne bógde adamdarǵa taratylyp, onyń ar-namysy men bedelіne aýyr soqqy bolǵan.

Polıtsııanyń habarlaýynsha, 2023 jyly jábіrlenýshіnіń turmysqa shyǵatynyn bіlgen kúdіktі kúıeý jіgіttіń otbasyna jalǵan beınematerıaldar jіbergen. Sonyń saldarynan qudalyq buzylǵan.

Qyz áleýmettіk jelіlerden múlde ketýge tyrysqannan keıіn, shabýyl onyń jaqyn týysyna baǵyttalǵan. Internette jalǵan anketa men jalǵan materıaldar paıda bolyp, otbasynyń, sonyń іshіnde kámeletke tolmaǵan balalardyń qaýіpsіzdіgіne naqty qater týyndaǵan.

Ulytaý oblystyq polıtsııa departamentіnіń málіmetіnshe, uzaq ýaqyt boıy ózіn «anonımmіn» dep eseptegen adamdy kıberpolıtsııa zamanaýı tsıfrlyq tehnologııalar men analıtıkalyq quraldardyń kómegіmen anyqtaǵan.

«Operatıvtіk іs-sharalar barysynda onlaın qýdalaýdyń artynda turǵan naqty adam anyqtaldy. Osylaısha ınternettegі tolyq jasyryndyq týraly túsіnіktіń jalǵan ekenі dáleldendі», – dep málіmdedі polıtsııa.

Kúdіktі retіnde Sátpaev qalasynyń 22 jastaǵy turǵyny ustaldy. Tіntý kezіnde qylmystyq áreketterde paıdalanylǵan bolýy múmkіn kompıýterlіk tehnıka men baılanys quraldary tárkіlendі.

Sot sanktsııasymen ol qamaýǵa alyndy. Tergeý onyń basqa da kıberqylmys epızodtaryna qatysy bar-joǵyn tekserіp jatyr.