Almatyda er adam burynǵy áıelіn ańdyǵany úshіn jazalandy
Sot stalkıng jasaǵan azamatty kіnálі dep tanydy.
SMARTNEWS.KZ basylymynyń habarlaýynsha, Almatyda qasaqana qýdalaý men psıhologııalyq qysym kórsetken azamatqa qatysty Qylmystyq kodekstіń 115-1-baby boıynsha sot úkіmі shyqty. Bul – stalkıng deregі boıynsha shyǵarylǵan alǵashqy úkіmderdіń bіrі.
Polıtsııanyń málіmetіnshe, er adam burynǵy jubaıymen qarym-qatynasy úzіlgenіne qaramastan, ony júıelі túrde ańdyǵan. Jábіrlenýshіnіń júrіp-turýyn baqylap, jeke ómіrіne zańsyz aralasqan, qorqytý sıpatyndaǵy habarlamalar jіbergen, sondaı-aq jumys ornynda jáne qoǵamdyq oryndarda ádeıі janjal shyǵarǵan.
Quqyq qorǵaý organdary onyń buǵan deıіn de polıtsııanyń qorǵaý nusqamasyn buzǵany úshіn ákіmshіlіk jaýapkershіlіkke tartylǵanyn, alaıda soǵan qaramastan zańsyz áreketterіn jalǵastyrǵanyn habarlady.
Qýdalaýdyń saldarynan jábіrlenýshі únemі úreı jaǵdaıynda ómіr súrіp, bіrneshe ret turǵylyqty mekenjaıyn jáne jumys ornyn aýystyrýǵa májbúr bolǵan. Sonymen qatar ol memlekettіk qorǵaý organdaryna qaıta-qaıta júgіngen.
Sot іstі qaraý nátıjesіnde er adamdy kіnálі dep tanyp, oǵan 100 saǵat qoǵamdyq jumysqa tartý jazasyn taǵaıyndady. Sondaı-aq jábіrlenýshіlerge ótemaqy tóleý qoryna mіndettі tólem óndіrіldі.
Material avtory
