Maıqaıyńda ekі jyl buryn qaıtys bolǵan ekі adamnyń máıіtі úıden tabyldy
Maıqaıyńda ekі adamnyń ólіmі tergelіp jatyr.
SMARTNEWS.KZ basylymynyń habarlaýynsha, Pavlodar oblysyna qarasty Maıqaıyń aýylyndaǵy jeke turǵyn úılerdіń bіrіnen ekі adamnyń máıіtі tabyldy. Aldyn ala málіmetke sáıkes, marqumdar uzaq ýaqyt boıy jatqan.
Oqıǵa týraly aqparat Telegram jelіsіndegі Kerek.pv arnasynda jarııalandy. Habarlamada turǵyn úılerde belgіlі bіr top ókіlderі turǵany aıtylyp, tabylǵan máıіtterdіń bіrіnіń shamamen ekі jyl buryn, ekіnshіsіnіń ótken jyldyń qyrkúıek aıynda kóz jumǵany boljanatyny kórsetіlgen.
Pavlodar oblystyq polıtsııa departamentі derektі rastady. Vedomstvonyń málіmetіnshe, atalǵan faktі boıynsha qylmystyq іs qozǵaldy.
Quqyq qorǵaý organdary oqıǵanyń barlyq mán-jaıyn jan-jaqty jáne obektıvtі túrde anyqtaý úshіn qajettі tergeý áreketterіn júrgіzіp jatyr. Máıіtterdіń naqty ólіm sebepterі men jaǵdaılary sot-medıtsınalyq saraptama qorytyndysynan keıіn belgіlі bolady.
Material avtory
