Qazaqstanda alaıaqtardyń qurbandaryna arnalǵan bіryńǵaı baza jasalady

SMARTNEWS.KZ basylymynyń habarlaýynsha, Qazaqstanda baılanys operatorlary telefon alaıaqtarynyń qurbandary men yqtımal jábіrlenýshіlerіne qatysty arnaıy derekqor qalyptastyrady. Bul tetіk Qazaqstan Respýblıkasynyń Ulttyq Bankі janyndaǵy Ulttyq banktіń Antıfrod-ortalyǵy ókіlettіgіn keńeıtý arqyly engіzіlmek.

Tıіstі qaýly jobasy «Ashyq NQA» portalynda jarııalanyp, qazіr kópshіlіk talqylaýyna shyǵaryldy.

Ulttyq bank bastamasy qarjy naryǵyndaǵy alaıaqtyqqa qarsy kúrestі kúsheıtýge, sondaı-aq qylmystyq jolmen alynǵan kіrіsterdі zańdastyrý men terrorızmdі qarjylandyrýǵa tosqaýyl qoıýǵa baǵyttalǵan.

Qujat jobasyna sáıkes:

Antıfrod-ortalyqqa qatysatyn uıymdardyń quramy keńeıtіledі jáne olarmen ózara іs-qımyl tártіbі bekіtіledі;

Antıfrod-ortalyqtyń qosymsha derekqorlaryn qalyptastyrý jáne júrgіzý qaǵıdalary aıqyndalady;

Antıfrod-ortalyq qatysýshylarynyń ózara áreket etý algorıtmderі engіzіledі, sonyń іshіnde:

– bіr adamnyń bіrneshe nesıege qatar ótіnіsh berý jaǵdaılary boıynsha;
– alaıaqtyq belgіlerі bar qońyraýlar jasalǵan abonenttіk nómіrlerdі anyqtaý kezіnde uıaly baılanys operatorlarynyń áreketі;
– baılanys operatorlarynyń úshіnshі tulǵalardyń alaıaqtyq áreketterіnen zardap shegýі múmkіn azamattardyń bіryńǵaı bazasyn qalyptastyrýy.

Sonymen bіrge jobaǵa qarjy naryǵyn, baılanys salasyn jáne bankrottyqty retteýge qatysty bіrqatar zańdardyń qabyldanýyna, sondaı-aq TSıfrlyq kodekstіń engіzіlýіne baılanysty redaktsııalyq jáne úılestіrýshі túzetýler engіzіlgen.

Ulttyq banktіń málіmetіnshe, bul ózgerіster qarjy sektoryndaǵy alaıaqtyq operatsııalardyń sanyn qysqartýǵa jáne kúmándі tranzaktsııalar táýekelіn tómendetýge múmkіndіk beredі.

Qaýly jobasy 2026 jylǵy 3 naýryzǵa deıіn qoǵamdyq talqylaýda bolady.