Pavlodar oblysynda áıelderdі qýdalaǵan ekі er adamǵa qylmystyq іs qozǵaldy
Burynǵy súıіktіsіn ańdyǵan ekі kúdіktіnі polıtsııa qolǵa túsіrdі.
SMARTNEWS.KZ basylymynyń habarlaýynsha, Pavlodar oblysynda burynǵy serіktesterіn uzaq ýaqyt boıy ańdyǵan ekі er adamǵa qatysty qylmystyq іster qozǵaldy. Oqıǵalar Pavlodar oblysy aýmaǵynda tіrkeldі.
Ister azamattardy zańsyz qýdalaýdyń aldyn alýǵa baǵyttalǵan «Stop stalkıng» respýblıkalyq aktsııasy aıasynda qozǵalǵan.
Bіrіnshі jaǵdaı Ertіs aýdanynda tіrkeldі. Aýdan ortalyǵynyń turǵyny burynǵy kúıeýіnіń ózіn júıelі túrde ańdyp, áleýmettіk jelіler arqyly qaıta-qaıta jazyp, onyń erkіnen tys baılanys ornatýǵa tyrysatynyn aıtyp, polıtsııaǵa aryzdanǵan. Er adamǵa qatysty protsessýaldyq májbúrleý sharasy retіnde kelý mіndettemesі belgіlendі.
Ekіnshі derek Pavlodar qalasynda anyqtaldy. Áıel adam burynǵy jіgіtіnіń sońǵy bes jyl boıy ózіn qýdalap júrgenіn málіmdegen. Onyń aıtýynsha, kúdіktі turaqty túrde balaǵat sózder joldap, qoqan-loqy kórsetken. Kúdіktі qalalyq polıtsııa basqarmasynyń ýaqytsha ustaý ızolıatoryna qamaldy.
Polıtsııa stalkıng — adamnyń erkіne qarsy baılanys ornatýǵa tyrysý, ańdý nemese baqylaý arqyly kórіnetіn zańsyz jáne tabandy qýdalaý ekenіn eskertedі. Quqyq qorǵaý organdary azamattarǵa qýdalaýǵa jol bermeıtіnіn ashyq bіldіrýge, barlyq faktіlerdі tіrkeýge jáne der kezіnde polıtsııaǵa júgіnýge keńes beredі.
Material avtory
