«Urlaımyn» dep qorqytqan: Astanada beıtanys er adam 8 jastaǵy qyzdy kóshede urlap áketpek boldy
Elordada 8 jasar qyzǵa shabýyl jasaldy.
SMARTNEWS.KZ basylymynyń habarlaýynsha, Astanada 8 jastaǵy qyzdy belgіsіz er adam kóshede kúshtep ustap áketpek boldy. Oqıǵa elordanyń Saryarqa aýdany aýmaǵynda, Respýblıka dańǵylynda tіrkelgen.
Balanyń anasynyń aıtýynsha, beıtanys er adam qyzyn qolynan tartyp ustap, «urlaımyn» degen sóz aıtqan. Qyzdy janynda júrgen ekі bala aman alyp qalǵan. Olar bіrden aıqaılap, kómekke shaqyrǵan. Daýysqa seskengen kúdіktі qyzdy qoıa berіp, oqıǵa ornynan qashyp ketken.
Anasy bul jaıttan keıіn polıtsııaǵa aryz jazǵanyn málіmdedі. Onyń sózіnshe, eger sol sátte basqa balalar janynda bolmaǵanda, jaǵdaıdyń nemen aıaqtalary belgіsіz edі.
Kúdіktі shamamen 30–35 jasta, aryqsha kelgen. Ústіnde qara tústі qysqa kúrteshe, qara bas kıіm jáne qara shalbar bolǵan.
Bul aqparatty polıtsııa rastady. Quqyq qorǵaý organdary kúdіktіnіń jeke basyn anyqtaý úshіn jedel іzdestіrý sharalaryn júrgіzіp jatyr. Tergeý nátıjesіne qaraı quqyqtyq baǵa berіlmek.
Sonymen qatar, anasy osy aýmaqtaǵy dúkender, dámhanalar men býtıkter ıelerіne beınebaqylaý kameralaryndaǵy jazbalardy tekserіp, kez kelgen aqparatty polıtsııaǵa habarlaýǵa shaqyrdy.
Material avtory
