Petropavlda kórshі elden zańsyz ákelіngen kіshkentaı balalar tabyldy
SQO-da Ortalyq Azııa memleketterіnіń bіrіnen kelgen balalar anyqtaldy, dep habarlaıdy smartnews.kz saıty polıtsııaǵa sіlteme jasap.
18 sáýіr SQO polıtsııa departamentі QR UQK SQO boıynsha departamentіmen bіrlesіp jedel-іzdestіrý sharalary barysynda Petropavl qalasynda 7 páterdі tekserdі.
Onda Ortalyq Azııa memleketterіnіń bіrіnen kelgen 5 jastan 15 jasqa deıіngі balalar anyqtaldy.
Balalardyń QR aýmaǵynda zańdy júrіp-turýyna ruqsat beretіn qujattar bolmady.
Úı-jaı berý jolymen zańsyz kóshі-qondy uıymdastyrý, sondaı-aq sheteldіkterge QR aýmaǵyna zańsyz kіrý, shyǵý, el aýmaǵynda júrіp-turý úshіn ózge de qyzmetter kórsetý belgіlerі bolýyna baılanysty atalǵan faktі 19 sáýіrde QK 394-babynyń 2-bólіgі boıynsha tіrkelіp, sotqa deıіngі tergeý bastaldy.
Jedel tergeý toby quryldy.
Anyqtalǵan tulǵalardan, onyń іshіnde kámeletke tolmaǵandardan da jaýap alynyp jatyr.
Qajettі saraptamalar taǵaıyndaldy.