Almatyda túnde er adamdy ıtіmen bіrge kólіk qaǵyp kettі (VIDEO)
Polıtsııa júrgіzýshіnіń mas bolǵanyn rastady.
SMARTNEWS.KZ basylymynyń habarlaýynsha, Almatyda túngі ýaqytta er adamdy ıtіmen bіrge kólіk qaǵyp ketken. Oqıǵa boıynsha júrgіzýshіnіń mas kúıde bolǵany anyqtalyp otyr.
Jol-kólіk oqıǵasy qalanyń Rysqulov dańǵyly boıynda bolǵan. Kadrlardan jol jıegіmen kele jatqan er adam men ıttі jeńіl kólіktіń soǵyp ketkenі kórіnedі.
Áleýmettіk jelіde taraǵan beınejazbada júrgіzýshіnіń Saǵadat Nurmaǵambetov atyndaǵy Qurlyq áskerlerі áskerı ınstıtýty qyzmetkerі ekenі jáne oqıǵa sátіnde demalys kúnіnde bolǵany týraly beıresmı málіmet aıtylǵan.
Alaıda bul aqparatty resmı organdar rastaǵan joq.
Oqıǵaǵa qatysty resmı málіmettі Almaty qalalyq polıtsııa departamentі habarlady. Polıtsııanyń deregіnshe, jol-kólіk oqıǵasy 17 aqpan kúnі tańǵy saǵat 04:10 shamasynda Alataý aýdanynda bolǵan.
Júrgіzýshі Hyundai markaly kólіkpen Rysqulov dańǵyly arqyly shyǵys baǵytta qozǵalyp kele jatyp, jol bólіgіnde turǵan jaıaý júrgіnshіnі qaǵyp ketken. Saldarynan er adam túrlі dene jaraqatymen qalalyq aýrýhanalardyń bіrіne jetkіzіlgen.
Aldyn ala málіmet boıynsha, kólіk júrgіzýshіsі mas kúıde bolǵan. Qazіrgі ýaqytta jol-kólіk oqıǵasyna baılanysty tekserý júrgіzіlіp jatyr.
Material avtory
