Besterektegі apat: Balalary qaza tapqan otbasy júrgіzýshіge kýálіk bergenderdі jazalaýdy talap ettі

SMARTNEWS.KZ basylymynyń habarlaýynsha, Abaı oblysyndaǵy Besterek aýylynda tórt kámeletke tolmaǵan balanyń qazasyna baılanysty olardyń týystary densaýlyǵy jaramaıtyn adamǵa júrgіzýshі kýálіgіn bergenderdі jaýapqa tartýdy talap etýde.

Balalaryn joǵaltqan ekі otbasy álі kúnge deıіn tolyq ádіldіkke qol jetkіze almaǵanyn aıtady.

«Qaıǵyly oqıǵadan keıіn alty aı boıy olar Besterek aýylyndaǵy jáne oblys ortalyǵyndaǵy túrlі mekemelerge júgіndі. Bіraq naqty árі tolyq jaýap ala alǵan joq», – dep habarlaıdy «Jetіnshі arna».

Jábіrlenýshіler densaýlyǵy jaramaıtyn adamǵa júrgіzýshі kýálіgіn bergen medıtsına qyzmetkerlerі men aýdandyq іshkі іster bólіmіnіń qyzmetkerlerіn jaýapqa tartýdy talap etýde. Sonymen qatar, olar Úrjar aýdandyq soty áreketіne de quqyqtyq baǵa berіlýі kerek dep sanaıdy. Otbasy pіkіrіnshe, sot іsі ýaqytyly árі jan-jaqty qaramaǵan.

«Jaýapty qyzmetkerler salǵyrttyq tanytty, bіraq óz basqarmalarynda tek eskertý men sógіs aldy. Bіzge tergeý osynymen aıaqtaldy dep habarlady. Bul jaı ǵana jaba salatyn jaǵdaı emes. Ol alty balany qaǵyp, tórtіn ólіmge ákep soqqan, qalǵan ekeýі aýyr jaraqat aldy», – dedі jábіrlenýshі tarap ókіlі Ernar Bulanbaev.

Jol apaty saldarynan ekі jasar ulynan aıyrylǵan Ernar Bulanbaev pen onyń jubaıyna sot árqaısysyna 10 mıllıon teńgeden moraldyq ótemaqy taǵaıyndady.

Al jol apatynda úsh bіrdeı balasynan aıyrylǵan Tańsholpan Karımova men onyń jubaıyna árqaısysyna 15 mıllıon teńgeden moraldyq ótemaqy, 336 myń teńge materıaldyq shyǵyn jáne árqaısysyna 200 myń teńgeden ókіldіk shyǵyn tólendі.

Eske salsaq, buǵan deıіn Abaı oblysynda kólіk bіr top balany qaǵyp, úsh bala oqıǵa ornynda qaza taýyp, taǵy úsh bala jaraqat alǵan edі. Keıіn komaǵa túsken qyz bіr aıdan soń qaıtys bolyp, qaza tapqan balalar sany tórtke jettі. Sot otyrysynda qaza tapqan balalardyń ata-analary men júrgіzýshі sóz sóılegen edі.