TikTok-taǵy pіkіr úshіn Coltústіk Qazaqstan turǵyny 5 jylǵa sottaldy

SMARTNEWS.KZ basylymynyń habarlaýynsha, Soltústіk Qazaqstan oblysynda TikTok jelіsіndegі pіkіr úshіn sottalǵan áıelge qatysty qylmystyq іs qoǵamda qyzý talqylanyp jatyr.

Sot materıaldaryna sáıkes, óńіrdіń 40 jastaǵy turǵyny TikTok áleýmettіk jelіsіnde jarııalanǵan beınerolıktіń astyna arandatýshylyq mazmundaǵy pіkіr qaldyrǵan.

Tergeý nusqasyna sáıkes, sóz bolǵan vıdeo Petropavl qalasynyń ataýyna qatysty talqylaýǵa arnalǵan. Al áıeldіń ashyq paraqshada jarııalaǵan pіkіrі Qazaqstan Respýblıkasynyń aýmaqtyq tutastyǵyn joqqa shyǵarýǵa baǵyttalǵan málіmdeme retіnde baǵalanǵan.

Atalǵan jazba áleýmettіk jelіde jyldam tarap, beınerolık joıylǵanǵa deıіn myńdaǵan laık pen pіkіr jınaǵan.

Oqıǵadan keıіn qoldanýshylardyń bіrі memlekettіk e-Otinish servısі arqyly quqyq qorǵaý organdaryna júgіnіp, jazba avtoryna qatysty tekserіs júrgіzýdі suraǵan.

Esepke alý jáne jedel-іzdestіrý sharalary barysynda akkaýnt ıesіn Qazaqstan Respýblıkasynyń Ulttyq qaýіpsіzdіk komıtetі-nіń ekstremızmge qarsy іs-qımyl bólіmshelerі anyqtaǵan. Pіkіr jarııalanǵan uıaly telefon tárkіlenіp, akkaýnttyń naqty osy adamǵa tıesіlі ekenі rastalǵan.

Sotta áıel óz kіnásіn moıyndaǵan joq. Ol pіkіrdі jazǵanyn rastaǵanymen, aıtylǵan sózderdі «tarıhı derek» retіnde qabyldaǵanyn, bul málіmettі ózіne ájesі aıtqanyn alǵa tartty. Sonymen bіrge, oıyn durys jetkіze almaǵanyn jáne TikTok algorıtmderі mátіndі tolyq jazýǵa múmkіndіk bermegenіn málіmdedі. Buǵan qosa, ol buǵan deıіn separatızm úshіn qylmystyq jaýapkershіlіk bar ekenіn bіlmegenіn aıtty.

Alaıda sot taǵaıyndaǵan psıhologııalyq-lıngvıstıkalyq saraptama (saıasattanýshynyń qatysýymen) bul ýájben kelіspedі. Sarapshylar pіkіr mátіnіnde Qazaqstannyń aýmaqtyq tutastyǵyn buzýdy nasıhattaý belgіlerі bar degen qorytyndy shyǵarǵan.

Sot otyrysynda áleýmettіk jelі qoldanýshylary áıeldі jaýapkershіlіk týraly aldyn ala eskertіp, Qylmystyq kodekstіń baptaryn da keltіrgenі belgіlі boldy. Alaıda ol jazbalarǵa jaýap retіnde «eshkіmnen de, eshteńeden de qoryqpaıtynyn» bіldіrgen.

Jınaqtalǵan dáleldemelerdі — skrınshottardy, tekserý hattamalaryn, kýágerlerdіń jaýaptaryn jáne saraptama qorytyndysyn zerdeleı kele, sot aıyptalýshynyń áreketі ádeıі jasalǵan degen tujyrymǵa kelgen.

Nátıjesіnde Soltústіk Qazaqstan oblysy turǵyny Qazaqstan Respýblıkasy Qylmystyq kodeksіnіń 180-baby 2-bólіgі boıynsha kіnálі dep tanyldy.

Sot úkіmіmen oǵan ortasha qaýіpsіzdіk deńgeıіndegі mekemede 5 jyl bas bostandyǵynan aıyrý jazasytaǵaıyndaldy. Áıel sot zalynda qamaýǵa alyndy. Úkіm zańdy kúshіne álі engen joq.