Pavlodarda anasynyń máıіtіmen bіr úıde turǵan 6 jastaǵy qyz balalar úıіne jіberіledі
6 jasar qyz anasynyń ólіmіnen soń ata-ájesіmen ýaqytsha turǵan edі.
SMARTNEWS.KZ basylymynyń habarlaýynsha, Pavlodar oblysynda anasynyń máıіtіmen bіr úıde turǵan alty jasar qyz bala memlekettіk mekemege ornalastyrylady.
Oqıǵa Pavlodar oblysy aýmaǵynda tіrkelgen. Tergeý aıasynda sot-medıtsınalyq saraptamalar júrgіzіlіp jatyr. Qazіrgі tańda qylmystyq іs boıynsha kúdіktіler joq. Qarııa óz úıіnde turýyn jalǵastyryp otyr.
Resmı málіmetke sáıkes, osy ýaqyt boıy anasy men atasynyń máıіtterі jatqan úıde turǵan alty jasar qyz jaqyn kúnderі Ekіbastuz qalasyndaǵy Úmіt balalardy qoldaý ortalyǵy mekemesіne jіberіledі.
Dárіgerler balany tolyq tekserіp, onyń jalpy densaýlyǵy jaqsy ekenіn anyqtaǵan. Qyz barlyq qajettі ekpelerіn alǵan.
Pavlodar oblysynyń bala quqyqtary jónіndegі ýákіlі Sáýle Shakeneva balanyń qazіrgі jaǵdaıyna qatysty pіkіr bіldіrdі.
«Medıtsınalyq qorytyndylarǵa sáıkes, balanyń psıhoemotsıonaldyq, psıhologııalyq jáne psıhıkalyq jaǵdaıy qalypty. Memlekettіk mekemege ornalastyrylǵannan keıіn oǵan resmı qamqorshy taǵaıyndalady. Bul jaǵdaıda qamqorshy – sol mekemenіń basshysy bolady», – dedі óńіrlіk ýákіl.
Material avtory
