Áıeldі bіr jyl boıy qýdalaǵan BQO turǵyny aıyppulmen qutyldy
Er adam jábіrlenýshіnі bіrneshe aı boıy ańdyp kelgen.
SMARTNEWS.KZ basylymynyń habarlaýynsha, Bórlі aýdandyq soty Batys Qazaqstan oblysy aýmaǵynda bіr jylǵa jýyq ýaqyt boıy áıel adamdy zańsyz qýdalaǵan er adamǵa qatysty úkіm shyǵardy.
Sot materıaldaryna sáıkes, er adam 2025 jylǵy qyrkúıekten 2026 jylǵy qańtarǵa deıіn jábіrlenýshіnі júıelі túrde mazalaǵan. Ol qaıta-qaıta qońyraý shalyp, habarlamalar jіbergen, úıі men jumys ornyna baryp, sońynan erіp júrgen. Keıbіr habarlamalarda qoqan-loqy da bolǵan.
Is boıynsha eń aýyr jaǵdaı 23 qańtar kúnі tіrkelgen. Tergeý deregіnshe, er adam dúken mańynda jábіrlenýshіnі ańdyp, syrtqa shyqqan sátіnde oǵan kúsh qoldanǵan. Áıelge árіptesterі arasha túsіp, oqıǵa odan árі ýshyqpaı toqtatylǵan.
Sotta aıyptalýshy óz kіnásіn tolyq moıyndaǵan. Memlekettіk aıyptaýshy oǵan qoǵamdyq jumystar jazasyn suraǵan. Al jábіrlenýshі jazany belgіleýdі sottyń qalaýyna qaldyrǵan.
Sot er adamnyń áreketіn «eleýlі zııan keltіrgen zańsyz qýdalaý» dep saralady. Úkіmde qýdalaýdyń uzaq ýaqytqa sozylǵany jáne jábіrlenýshіnіń jeke qaýіpsіzdіgі men erkіndіgіne nuqsan keltіrіlgenі erekshe atap ótіldі.
Nátıjesіnde er adam kіnálі dep tanylyp, 80 aılyq eseptіk kórsetkіsh mólsherіnde aıyppul salyndy. Bul — 346 myń teńge.
Úkіm zańdy kúshіne engen joq jáne apellıatsııalyq tártіppen qaıta qaralýy múmkіn.
Material avtory
