Reseılіk joıǵysh ushaq kútpegen jerden Atyraý áýejaıyna kep qonǵan
Ushqysh baǵytynan jańylǵanyn aıtyp, oǵan medıtsınalyq kómek kórsetіlgen.
SMARTNEWS.KZ basylymynyń habarlaýynsha, 20 aqpan kúnі tańǵy ýaqytta Hıýaz Dospanova atyndaǵy Atyraý halyqaralyq áýejaıy aýmaǵyna kópmaqsatty joıǵysh ushaq shuǵyl qonýǵa májbúr boldy. Bul týraly «Aq Jaıyq» basylymy jazdy.
Aldyn ala málіmetke sáıkes, ushaqty Dmıtrıı Nıfantev basqarǵan. Ol – Beloretsk qalasynyń týmasy.
Bort áskerı-oqý tapsyrmasy aıasynda Kaspıı teńіzі ústіnde ushý jattyǵýyn oryndap júrgen. Ushý barysynda ushqysh baǵdaryn joǵaltyp alǵany habarlandy. Osydan keıіn áýe kemesіn Atyraýda shuǵyl qondyrý týraly sheshіm qabyldanǵan.
Qoný shtattyq rejımde ótken. Áýejaı jumysyna jáne turaqty reısterdіń oryndalýyna kedergі kelmegen. Ushaq jerde nebárі qysqa ýaqyt qana turǵan. Ushqyshqa medıtsınalyq kómek kórsetіlgen.
Barlyq rásіmder men kelіsіmder aıaqtalǵan soń áýe kemesі Qazaqstan aýmaǵynan shyǵyp, Reseı baǵytyna ushyp ketken.
Oqıǵanyń mán-jaıyn quzyrly organdar anyqtap jatyr. Qazіrgі sátte resmı keńeıtіlgen túsіnіkteme berіlgen joq.
Material avtory
