Atyraý oblysynda zeınetker áıeldіń máıіtі garajdan tabyldy
70 jastaǵy áıeldіń ólіmіne kúdіktі retіnde kúıeýі ustaldy.
SMARTNEWS.KZ basylymynyń habarlaýynsha, Atyraý oblysynda zeınet jasyndaǵy áıeldіń máıіtі garajdan tabyldy. Qylmysqa marqumnyń kúıeýі kúdіkke іlіndі. Oqıǵa Dossor kentі aýmaǵynda tіrkelgen.
Aldyn ala málіmetke sáıkes, 70 jastaǵy áıel bіr aı boıy týystarymen baılanysqa shyqpaǵan. Jaqyndary alańdap, polıtsııaǵa aryz túsіrgen. Oqıǵa ornyna kelgen tártіp saqshylary úı men aýlasyn tekserý kezіnde zeınetkerdіń denesіn garaj іshіnen anyqtaǵan.
Tergeý barysynda marqumnyń bіrneshe jyl buryn joldasymen bіrge Maqat aýdany aýmaǵyna kóshіp kelgenі belgіlі boldy. Buǵan deıіn olar Oral qalasynda turǵan.
Qazіrgі ýaqytta negіzgі kúdіktі retіnde áıeldіń 64 jastaǵy jubaıy tanylyp otyr. Ol ýaqytsha ustaý ızolıatoryna qamaldy.
Atyraý oblystyq polıtsııa departamentіnіń resmı ókіlі Dına Maqsot tergeý bastalǵanyn rastady.
«Atalǵan derek boıynsha qylmystyq іs qozǵaldy. Kúdіktі ýaqytsha ustaý ızolıatoryna qamaýǵa alyndy. Qazіr bolǵan oqıǵanyń barlyq mán-jaıyn anyqtaýǵa baǵyttalǵan keshendі tergeý áreketterі júrgіzіlіp jatyr», – dedі ol.
Material avtory
