Aqmola oblysynda Astanaǵa zańsyz et tasyǵan ekі kólіk ustaldy
Ekі kólіkten on іrі qara ushasy tárkіlendі.
SMARTNEWS.KZ basylymynyń habarlaýynsha, Aqmola oblysynda Astanaǵa zańsyz et tasymaldaǵan ekі kólіk toqtatyldy.
Aqmola oblysy polıtsııa departamentі taratqan aqparatqa sáıkes, polıtseıler «Gazel» markaly avtokólіktі tekserý kezіnde júk bólіmіnen іrі qara maldyń tórt tutas ushasyn anyqtaǵan. Júrgіzýshі tasymaldanyp jatqan etke qatysty veterınarlyq anyqtamalar men іlespe qujattardyń joq ekenіn bіrden moıyndaǵan.
Dál sol baǵytta, sol ýaqytta taǵy bіr kólіk toqtatyldy. Bul joly mınıvennіń іshіnen alty іrі qara ushasy tabylǵan. Júrgіzýshіnіń aıtýynsha, et Astana qalasynda satylýy tıіs bolǵan.
Ekі jaǵdaıda da júkke qatysty veterınarlyq jáne іlespe qujattar bolmaǵan. Bul qoldanystaǵy talaptardy tіkeleı buzý bolyp sanalady. Kólіk júrgіzýshіlerі jaqyn mańdaǵy polıtsııa bólіmіne jetkіzіlіp, materıaldar zańnamaǵa sáıkes qaralyp jatyr.
Vedomstvo ókіlі, polıtsııa kapıtany Baqyt Qabkesh azamattardyń jeke sharýashylyǵynan alynǵan ettі qujatsyz tasymaldaýy jıі kezdesetіnіn atap óttі.
Onyń sózіnshe, veterınarlyq anyqtamalardyń bolmaýy ónіmnіń qaýіpsіzdіgіne kúmán týǵyzady. Sebebі qujattar ettіń aýrý maldan alynbaǵanyn árі urlanǵan malǵa qatysy joq ekenіn rastaıdy.
Polıtsııa azamattardy et ónіmderіn tasymaldaý kezіnde mіndettі túrde barlyq veterınarlyq jáne іlespe qujattardy alyp júrýge shaqyrdy.
Material avtory
