Qaraǵandyda páterdі terezeden kіrіp tonaǵan qylmystyq top ustaldy
Úsh adam bіr úıdіń ózіnen 20 mln teńgedeı qundy zattardy qoldy etken.
SMARTNEWS.KZ basylymynyń habarlaýynsha, Qaraǵandy oblysynda páter tonaýmen aınalysqan qylmystyq top ustaldy. Arnaıy operatsııany óńіrlіk polıtsııanyń jedel qyzmetkerlerі Arlan arnaıy maqsattaǵy bólіmshesі jaýyngerlerіnіń qoldaýymen ótkіzdі.
Tergeý deregіne sáıkes, kúdіktіlerdіń jasy 35 pen 39 aralyǵyndaǵy úsh er adam. Olar aldyn ala ázіrlengen jospar boıynsha áreket etken. Bıyl jyl basynda qaladaǵy Loboda kóshesіnde ornalasqan páterge zańsyz kіrіp, plastık terezenі jáne temіr tordy buzǵan.
Urlanǵan múlіkterdіń qatarynda gaýһar tasty zergerlіk buıymdar, norka ton jáne noýtbýk bar. Keltіrіlgen jalpy shyǵyn kólemі 20 mıllıon teńgeden asty.
Atalǵan derek boıynsha asa іrі mólsherdegі urlyq faktіsіmen qylmystyq іs qozǵaldy. Kúdіktіler ýaqytsha ustaý ızolıatoryna qamaldy.
Qaraǵandy oblysynyń polıtsııa departamentі málіmetіnshe, qazіrgі tańda keshendі jedel-іzdestіrý jáne tergeý sharalary júrgіzіlіp jatyr. Ustalǵandardyń óńіr aýmaǵynda jasalǵan ózge de uqsas qylmystarǵa qatysy bar-joǵy tekserіlýde.
Material avtory
